'ഭരത്' കാരണം വിവാഹം മുടങ്ങിയെന്ന് പാടാത്ത പൈങ്കിളിയിലെ വില്ലന്‍, ഈ ചേട്ടനെ പുറത്ത് കൊണ്ടുപോവാനാവുമോയെന്ന് ചോദിച്ചു

പാടാത്ത പൈങ്കിളിയിലെ താരങ്ങളെല്ലാം സോഷ്യല്‍ മീഡിയയില്‍ സജീവമാണ്. ഇവര്‍ പോസ്റ്റ് ചെയ്യുന്ന വിശേഷങ്ങളെല്ലാം ആരാധകര്‍ ഏറ്റെടുക്കാറുമുണ്ട്. ഈ പരമ്പരയിലൂടെയാണ് സൂരജ് അഭിനയ ജീവിതത്തിന് തുടക്കമിട്ടത്. ദേവയും കണ്‍മണിയും തമ്മിലുള്ള സ്‌ക്രീന്‍ കെമിസ്ട്രി മികച്ചതാണെന്ന് ഇതിനകം തന്നെ പ്രേക്ഷകര്‍ സാക്ഷ്യപ്പെടുത്തിയിട്ടുണ്ട്. പരമ്പരയിലേയും ജീവിതത്തിലേയുമെല്ലാം വിശേഷങ്ങളെക്കുറിച്ച് പറഞ്ഞ് സൂരജും സജീവമാണ്.

കഥാപാത്രത്തെ ഉള്‍ക്കൊള്ളുന്നതിന് 5 മിനിറ്റ് മുന്‍പ് ആളെക്കാണില്ല. പിന്നെ ആരും അവനോട് ചിരിക്കാനൊന്നും പാടില്ല. ആ ചേട്ടനെ കാണാന്‍ നല്ല ഭംഗിയുണ്ട്. താടിയും മുടിയും കിടുവാണെന്നൊക്കെ കുറേ പേര്‍ പറഞ്ഞിട്ടുണ്ടെന്നും സൂരജ് പറഞ്ഞിരുന്നു. ഇനി പ്രണയിക്കാന്‍ താല്‍പര്യമില്ല. അഭിനയത്തില്‍ ശ്രദ്ധ കേന്ദ്രീകരിച്ച് മുന്നേറാനാണ് ആഗ്രഹം. നല്ല മനസ്സുള്ള പെണ്‍കുട്ടിയായിരിക്കണം. സത്യസന്ധമായിരിക്കണം ഇടപെടലുകള്‍. എന്റെ അതേ ഉയരമുള്ള കുട്ടിയായിരിക്കണമെന്നായിരുന്നു സച്ചിന്‍ പറഞ്ഞത്. സീരിയലിലെ കഥാപാത്രത്തിനേ കുഴപ്പമുള്ളൂ. ആള്‍ ജീവിതത്തില്‍ ജനുവിനാണ്.

മൂന്ന് പ്രണയം പരാജയപ്പെട്ടു. 16ാമത്തെ വയസ്സിലായിരുന്നു ആദ്യ പ്രണയമെന്ന് സച്ചിന്‍ പറയുന്നു. ആ സമയത്ത് ഞാനെന്ത് ചെയ്യുന്നുവെന്നായിരുന്നു സൂരജ് ചോദിച്ചത്. സീരിയലിലെ കഥാപാത്രമായ ഭരതിനെക്കുറിച്ച് മനസ്സിലാക്കാതെയായിരുന്നു വിവാഹം വേണ്ടെന്ന് വെച്ചത്. കണ്‍മണിയെ ഉപദ്രവിക്കുന്നയാളായ ഭരതായാണ് അവര്‍ സച്ചിനെ കണ്ടത്. ഈ ചേട്ടനെ എങ്ങനെ പുറത്തേക്ക് കൊണ്ടുപോവുമെന്നൊക്കെയായിരുന്നു ചോദ്യങ്ങള്‍. വിവാഹത്തിന് ഇനിയും സമയമുണ്ടെന്നായിരുന്നു മനീഷയുടെ കമന്റ്.

പാടാത്ത പൈങ്കിളി നായകനായ സൂരജായിരുന്നു യൂട്യൂബ് ചാനലിലൂടെ വിശേഷങ്ങള്‍ പങ്കുവെച്ചത്. നാളുകള്‍ക്ക് ശേഷം പ്രൊഡക്ഷന്‍ ടീമിലേക്ക് പ്രിയപ്പെട്ടയാള്‍ തിരിച്ചെത്തിയതിന്റെ സന്തോഷവും ഇവര്‍ക്കുണ്ട്. ഇനി അപ്‌ഡേഷനെല്ലാം കൃത്യമായി നടന്നോളും. സൂരജ് മാത്രമല്ല സച്ചിനും മനീഷയും വീഡിയോയിലുണ്ടായിരുന്നു. ഇതാദ്യമായാണ് സച്ചിന്റെ വിവാഹത്തെക്കുറിച്ച് പറയുന്നത്. സീരിയലിലെപ്പോലെയല്ല ആള്‍ പാവമാണ്, നൂറ് പെണ്‍കുട്ടികള്‍ക്ക് ഇടയിലേക്ക് ധൈര്യമായി വിടാമെന്നായിരുന്നു മനീഷ പറഞ്ഞത്.