'മറ്റൊരാളിലൂടെ അറിയാൻ ശ്രമിക്കാതെ എന്നിലൂടെ എന്നെ അറിയാൻ ശ്രമിക്കൂ' നിരഞ്ജൻ പറയുന്നു!

പൂക്കാലം വരവായി എന്ന ഒറ്റ സീരിയൽ കൊണ്ട് മലയാള ടെലിവിഷൻ ആസ്വാദകരുടെ സ്വന്തം ആയതാണ് സപ്തതിയും ഹര്ഷനും, സംയുക്തയും അഭിയും എല്ലാവരും. ചുരുങ്ങിയ സമയം കൊണ്ടാണ് ഇവർ ആരാധകരുടെ പ്രിയ കഥാപാത്രങ്ങളായി മാറിയത്. ലോക് ഡൗൺ കാലമായ ശേഷം ഇവരെ കാണാൻ ആകാത്തതിന്റെ നിരാശയിലായിരുന്നു പ്രിയ പ്രേക്ഷകർ. അടുത്തിടെയാണ് പരമ്പര പുനഃ സംപ്രേക്ഷണം ആരംഭിച്ചത്.

ഹർഷനായി എത്തുന്ന നിരഞ്ജൻ പങ്ക് വച്ച ഒരു കുറിപ്പാണു വൈറൽ ആകുന്നത്.

"എതിരെ നിൽക്കുന്നവന്റെ ഉള്ളൊന്നു അറിയാൻ ശ്രമിച്ചാൽ എല്ലാവരും പാവങ്ങളാണ്.. പക്ഷെ അറിയാൻ ശ്രമിക്കണം.. മറ്റൊരാളിലൂടെ എന്നെ അറിയാൻ ശ്രമിക്കാതെ എന്നിലൂടെ എന്നെ അറിയാൻ ശ്രമിക്കു.. അങ്ങനെ അറിയാൻ ശ്രമിക്കുമ്പോൾ പല തെറ്റിദ്ധാരണകളും എനിക്ക് മാറ്റി തരാൻ ആകും.. ശത്രുവായിരിക്കുന്നവരും ഹൃദയത്തോട് ചേർത്തു നിർത്തും. വരൂ തുറന്നു സംസാരിക്കാം. എന്ന് പറഞ്ഞുകൊണ്ട് ഹർഷൻ പങ്ക് വച്ച കുറിപ്പാണ് ഏറെ വൈറൽ ആകുന്നത്.

ALSO READ: ലച്ചുവിന്റെ പിന്‍മാറ്റത്തെക്കുറിച്ച് ബിജു സോപാനം; വൈറലായി വാക്കുകൾ!

അതേസമയം കൊവിഡ് ബാധിച്ച ഓട്ടോറിക്ഷക്കാരന് പൂക്കാലം വരവായി പരമ്പരയുടെ ഷൂട്ടിംഗ് ലൊക്കേഷനിൽ സമ്പർക്കം ഉണ്ടായതിനാൽ പരമ്പരയുടെ ചിത്രീകരണം നിർത്തിവച്ചിരിക്കുകയാണ് ഇപ്പോൾ. രണ്ടാഴ്ചത്തേക്ക് ഷൂട്ടിങ് നിർത്തിവയ്ക്കാൻ ആണ് ധാരണ ആയിരിക്കുന്നത്. പൂക്കാലം വരവായി പരമ്പരയിലെ മൂന്നുപേർക്കാണ് രോഗിയുമായി അടുത്ത് ഇടപഴകേണ്ടി വന്നത്. ഈ മൂന്ന് പേർക്ക് ഒഴികെ മറ്റാർക്കും രോഗിയുമായി അടുത്ത് ഇടപഴകേണ്ടി വന്നിട്ടില്ലെന്ന് പ്രൊഡകഷൻ കൺട്രോളർ അറിയിച്ചു.