'തിരക്ക് നടിക്കുന്ന ഈ ജീവിതത്തിൽ സ്വന്തം വീട്ടിൽ ഉള്ളവരുടെ ചെറിയ സന്തോഷങ്ങൾ പോലും കാണാൻ കഴിയാത്തിനു മാപ്പ്', ബിജേഷിന്റെ വാക്കുകൾ!

സാന്ത്വനം പരമ്പരയുടെ ആസ്വാദകർ അല്ലാത്ത ടെലിവിഷൻ പ്രേമികൾ കുറവാണ്. വേറിട്ട കഥയുമായി എത്തി ചുരുങ്ങിയ സമയത്തിനുള്ളിൽ തന്നെ പ്രേക്ഷക ഹൃദയങ്ങളിലേക്ക് കയറിക്കൂടാൻ പരമ്പരക്ക് കഴിഞ്ഞു. അതിന് സാധിച്ചു എങ്കിൽ ഒരു കാരണം മാത്രമേ അതിനു പിന്നിൽ ഉള്ളൂ അഭിനേതാക്കളുടെ മികവ്. ഒന്നിനൊന്ന് മികച്ച അഭിനയം ആണ് കഥാപാത്രങ്ങൾ ആയെത്തുന്ന താരങ്ങൾ കാഴ്ച വയ്ക്കുന്നത്. ബിഗ് സ്‌ക്രീനിൽ തിളങ്ങിയ താരങ്ങൾ ഉൾപ്പെടെ സാന്ത്വനത്തിലൂടെ പ്രേക്ഷകർക്ക് മുൻപിൽ എത്തുന്നുണ്ട്.

ALSO READ: ജാതക ചേര്‍ച്ച ഇല്ലാതെ വിവാഹം കഴിച്ചു, വിവാഹ മോചനം എന്റെ ആവശ്യമായിരുന്നു!; സാധിക വേണുഗോപാല്‍
സിനിമയെ വെല്ലുന്ന കഥാമുഹൂർത്തങ്ങൾ ആണ് പരമ്പരയിൽ പരമ്പരയിൽ നടക്കുന്നത്. ആദ്യം പരമ്പരയോട് മുഖം തിരിച്ചിരുന്ന പലരും ഇപ്പോൾ സാന്ത്വനത്തിന്റെ ആരാധകർ ആയി മാറിയിട്ടുണ്ട്. വാനമ്പാടി പരമ്പരക്ക് ശേഷം അവന്തിക ക്രിയേൻഷൻസിന്റെ ബാനറിൽ ആണ് പരമ്പര എത്തുന്നത്. പുതുമുഖങ്ങളും പരമ്പരയുടെ ഭാഗമാണ്.

പരമ്പരയിൽ സേതു എന്ന കഥാപാത്രവുമായി എത്തുന്ന ബിജേഷ് പങ്കിടുന്നത് വിശേഷങ്ങൾ അതിവേഗമാണ് സോഷ്യൽ മീഡിയ ഏറ്റെടുക്കുന്നത്. സോഷ്യൽ മീഡിയയിൽ കഴിഞ്ഞ ദിവസം ബിജേഷ് പങ്ക് വച്ച വാക്കുകൾ ആണ് വൈറൽ ആകുന്നത്.
ALSO READ: വാപ്പയ്ക്ക് നിക്കാഹ്; കൊച്ചുമ്മയെ സ്വാഗതം ചെയ്ത് അനാർക്കലി; വാപ്പച്ചി ടെൻഷനിൽ ആണെന്നും താരം!


'തിരക്ക് നടിക്കുന്ന ഈ ജീവിതത്തിൽ സ്വന്തം വീട്ടിൽ ഉള്ളവരുടെ ചെറിയ സന്തോഷങ്ങൾ പോലും കാണാൻ കഴിയാത്തിനു മാപ്പ്. എന്റെ അനിയത്തിക്കുട്ടിക്ക് ഒരായിരം പിറന്നാൾ ആശംസകൾ', എന്ന് പറഞ്ഞുകൊണ്ട് ബിജേഷ് പങ്കിട്ട വീഡിയോയും കുറിപ്പുമാണ് ഏറെ വൈറാലായി മാറിയത്.

ബിജേഷിന്റെ വാക്കുകൾ!

ഇന്നലെ രാത്രി കുത്തിയിരുന്ന് കുറച്ചു ഫ്രണ്ട്സ് നു പിറന്നാൾ ആശംസകൾ വിഷസ് ഒക്കെ അറിയിച്ചു.

കാലത്ത് പതിവ് പോലെ കുളിയൊക്കെ കഴിഞ്ഞു അടുക്കളയിൽ പോയപ്പോൾ അവിടെ തിരക്കിട്ടു ഭക്ഷണം തയ്യാറാക്കുന്ന അനിയത്തിയോട് (അമ്മാവന് വയ്യാത്തത് കൊണ്ട് അമ്മ കുറച്ചു ദിവസങ്ങളായി ഹോസ്പിറ്റലിൽ ആണ്... ഇടയ്ക്കിടെ ഞാനും പോകും. അത് കൊണ്ടും, അച്ഛൻ മരിച്ചിട്ടു കുറച്ചു ദിവസങ്ങൾ മാത്രമായതു കൊണ്ടും... അനിയത്തിയാണ് ഇപ്പോൾ വീട്ടിൽ വന്നു നിന്നു എല്ലാ കാര്യങ്ങളും നോക്കുന്നത്. എന്റെ അമ്മയെ പോലെ തന്നെ നല്ല കൈപ്പുണ്യം ഉള്ള കുക്ക് കൂടിയാണ് അവൾ )

ഭക്ഷണം ആകാൻ നേരം വൈകിയല്ലോ എന്നും പറഞ്ഞു അൽപ്പം ദേഷ്യപ്പെട്ടിട്ടു ഭക്ഷണം കഴിക്കാൻ ഇരുന്നപ്പോൾ... അനിയത്തീടെ മകൻ മാനവ് അനിയത്തിയെ പിറന്നാൾ വിഷ് ചെയ്യുന്നു.
ഇന്ന് പിറന്നാൾ ആണോ നിന്റെ..? എന്ന് അനിയത്തിയോട് ചോദിച്ചപ്പോൾ ഭക്ഷണം തയ്യാറാക്കുന്ന തിരക്കിൽ അവൾ അതെ എന്ന മട്ടിൽ ഒന്ന് ചിരിച്ചും കൊണ്ട് തലയാട്ടി.

കണ്ണിലെവിടെയോ മിന്നി മാഞ്ഞ കണ്ണുനീർക്കണം എന്നെ കാണാതെ ഒളിപ്പിച്ചു. തിരക്ക് നടിക്കുന്ന ഈ ജീവിതത്തിൽ സ്വന്തം വീട്ടിൽ ഉള്ളവരുടെ ചെറിയ സന്തോഷങ്ങൾ പോലും കാണാൻ കഴിയാത്തിനു മാപ്പ്.
എന്റെ അനിയത്തിക്കുട്ടിക്ക് ഒരായിരം പിറന്നാൾ ആശംസകൾ.