സാന്ത്വനം വീട് പൂട്ടി
അപ്പുവിന്റെ കുഞ്ഞ് പോയിപ്പോയതിന് ശേഷം കുടുംബത്തില്‍ എന്തോ പ്രശ്‌നം ഉണ്ട് എന്ന് കരുതി, പ്രശ്‌നക്കാരനെ വിളിച്ച് കബടി നിരത്തിയപ്പോള്‍ തറവാട്ട് വീട്ടില്‍ പോയി ചെയ്യേണ്ട ചില കാര്യങ്ങള്‍ ചെയ്യണം എന്ന് പറഞ്ഞിരുന്നു. അതിന്റെ അടിസ്ഥാനത്തില്‍ അമ്മയടക്കം എല്ലാവരും അങ്ങോട്ട് പുറപ്പെട്ടു. ശിവനും അഞ്ജുവും കൂട്ടുകാരന്റെ ക്ഷണം സ്വീകരിച്ച് അടിമാലിയ്ക്കും പുറപ്പെടും വരെയാണ് ഇന്നലത്തെ എപ്പിസോഡ്
പ്രമോ വീഡിയോ
പുതിയ പ്രമോ വീഡിയോ പ്രകാരം ശിവനും അഞ്ജുവും അടിമാലി ട്രിപ്പ് വളരെ അധികം ആസ്വദിയ്ക്കുകയാണ്. അടുത്തും അറിഞ്ഞും സ്‌നേഹിച്ചും ഇരുവരും യാത്ര ആസ്വദിയ്ക്കുന്നത് വീഡിയോയില്‍ കാണാം. അതേ സമയം തറവാട്ടില്‍ ചെന്ന് കയറിയ ബാലനും കുടുംബത്തിനും പല പ്രശ്‌നങ്ങളും നേരിടേണ്ടി വരുന്നതായും പ്രമോയില്‍ കാണിക്കുന്നു.
ശിവന്‍ ചാടി പോരുമോ
തറവാട്ടില്‍ ഉണ്ടാകാന്‍ പോകുന്ന പ്രശ്‌നങ്ങളെക്കാള്‍ സ്വാന്ത്വനം സീരിയല്‍ പ്രേമികളുടെ ടെന്‍ഷന്‍, ഈ പ്രശ്‌നം അറിഞ്ഞ് അടിമാലി യാത്ര പാതി വഴിയില്‍ ആക്കി ശിവന്‍ അഞ്ജുവിനെയും കൂട്ടി മടങ്ങുമോ എന്നാണ്. മിക്കവാറും ദേവിയും ലക്ഷ്മിയും കരഞ്ഞ് കൊണ്ട് ശിവനെ വിളിക്കാനും സാധ്യതയുണ്ട്. അങ്ങനെയാണെങ്കില്‍ സകല പ്രതീക്ഷകളും പോകും.
ശിവനും അഞ്ജുവിനും വേണ്ടി
ശിവനും അഞ്ജുവും ഒന്നിച്ചുള്ള സീനിന് വേണ്ടി കാത്തിരിയ്ക്കുകയാണ് പ്രേക്ഷകര്‍ എന്ന് പ്രമോ വീഡിയോയ്ക്ക് താഴെ വന്ന കമന്റുകളില്‍ നിന്നും വ്യക്തമാണ്. നാളുകള്‍ക്ക് ശേഷം ഇന്നലെ മുതലാണ് സാന്ത്വനം കണ്ട് തുടങ്ങിയത് എന്ന് പറയുന്നവരും ഉണ്ട്. ശിവനും അഞ്ജലിയും കാറില്‍ പോകുന്ന രംഗം കണ്ട് ചിരിയടക്കാന്‍ കഴിയുന്നില്ല, ഇത്രയും റൊമാന്‍സ് പ്രതീക്ഷിച്ചില്ല എന്നൊക്കെയാണ് കമന്റുകള്‍.