സപ്തഹർഷത്തിൽ ചെറിയ മാറ്റം; ഇനി മുതൽ സപ്തതി ആർദ്ര; ആരതി ഇനി മുതൽ മനസ്സിനക്കരയിൽ!

മലയാള ടെലിവിഷൻ ആരാധകരുടെ ഇടയിൽ പൂക്കാലം തന്നെ വിടർത്തിയ പരമ്പരയാണ് പൂക്കാലം വരവായി. അമ്മക്കിളിയും നാല് പെൺമക്കളും അടങ്ങുന്ന ഒരു സാധാരണ കുടുംബം ജീവിക്കാൻ പെടാ പാട് പെടുന്ന നിമിഷങ്ങളിലൂടെയായിരുന്നു ആദ്യ കാലങ്ങളിൽ പരമ്പര മുൻപോട്ട് പൊയ്ക്കൊണ്ടിരുന്നത്.

എന്നാൽ ഇപ്പോൾ ഫുൾ റൊമാന്റിക്, കുടുംബ നിമിഷങ്ങളിലൂടെയാണ് പരമ്പര പുരോഗമിക്കുന്നത്. സപ്ത ഹർഷം എന്ന് സോഷ്യൽ മീഡിയയിലൂടെ പ്രചരിക്കുന്ന ടാഗ് ലൈനിലൂടെയാണ് ആരാധകർ സപ്തതിയോടും, ഹർഷനോടും ഉള്ള ആരാധന പങ്കിട്ടതും. എന്നാൽ ആ സപ്തർഷത്തിൽ സപ്തതിക്ക് ഇനി മുതൽ പുതിയ മുഖമായിരിക്കും.

നിരഞ്ജൻ നായർ അവതരിപ്പിച്ചിരുന്ന ഹർഷൻ എന്ന കഥാപാത്രത്തിന്റെ ഭാര്യ വേഷത്തിൽ ഇത് വരെ എത്തിയിരുന്നത് ആരതി സോജൻ ആയിരുന്നു. ഇരുവരുടെയും കെമിസ്ട്രി ഇരു കൈയും നീട്ടിയാണ് പ്രേക്ഷകർ സ്വീകരിച്ചതും. എന്നാൽ ഇനി മുതൽ സപ്തതിക്ക് പുതിയ മുഖമാണ്. സത്യ എന്ന പെൺകുട്ടിയിൽ ദിവ്യയായി എത്തി പ്രേക്ഷകരുടെ മനം കവർന്ന നടി ആർദ്ര ദാസ് ആകും ഇനി മുതൽ സപ്തതി ആയി സ്‌ക്രീനിൽ നിറയുക.

ALSO READ: ആമിർ - കിരൺ വിവാഹമോചനത്തിന് ശേഷം സന ഫാത്തിമ ഷെയ്ഖ് ട്രെൻഡിംഗാവാൻ കാരണമെന്താണ്!


ആരതി പിൻവാങ്ങിയതായി കുറച്ചു നാൾ മുൻപേ തന്നെ അർധകർ സംശയം പ്രകടിപ്പിച്ചിരുന്നു. പിന്നാലെ ആരതി മനസ്സിനക്കരെ പരമ്പരയിൽ പുതിയ കഥാപാത്രമായി എത്താൻ പോകുന്ന വാർത്തയും പുറത്തുവന്നിരുന്നു. ഇതിനു പിന്നാലെയാണ് സപ്തഹർഷം എന്ന ക്യാപ്ഷ്യനോടെ നിരഞ്ജൻ പുതിയ ചിത്രം പങ്കുവച്ചത്.

പണം കണ്ടു മാത്രം സുധിയെ പ്രണയിക്കുകയും അവനിൽ നിന്ന് പറ്റാവുന്നത്ര കാശ് പിഴിയുകയും ചെയ്യുന്ന ദിവ്യയെയാണ് ആർദ്ര സത്യ എന്ന പെൺകുട്ടിയിൽ അവതരിപ്പിച്ചിരുന്നത്. ഒരു ഇടവേളയ്ക്കു ശേഷം സീരിയൽ രംഗത്തേക്ക് മടങ്ങിയെത്തിയ തനിക്ക് കിട്ടിയ മികച്ച കഥാപാത്രമാണ് ദിവ്യ എന്ന് ആർദ്ര പറഞ്ഞിട്ടുണ്ട്. ഇതിനു പിന്നാലെയാണ് സപ്തതി എന്ന കഥാപാത്രവും ആർദ്രയെ തേടിയെത്തിയത്.

ALSO READ: 'ഇന്ന് മലയാള സിനിമ നിലനിൽക്കുന്നുണ്ടെങ്കിൽ അതിന് പ്രധാന കാരണം ദിലീപേട്ടൻ ആണ്': ഒമർ ലുലു

അഭിനയത്തിന് പുറമെ, മോഡലിങ്ങിലും വളരെ താല്പര്യമാണ് ആർദ്രക്ക്. ഈയിടെ രാജാ രവിവർമ ചിത്രങ്ങളുടെ ഒരു പുനരാഖ്യാനം ആർദ്ര ചെയ്തിരുന്നു. അതിനൊപ്പം, 'സേവ് ചെല്ലാനം' ക്യാമ്പയ്‌നിന്റെ ഭാഗമായും താരം ഒരു ഫോട്ടോഷൂട്ട് ചെയ്തിരുന്നു. സാധാരണ മേക്കോവർ ഫോട്ടോഷൂട്ടുകളേക്കാൾ ഇത്തരം കാലികപ്രാധാന്യമുള്ള വിഷയങ്ങൾ ചെയ്യാനാണ് തനിക്കു കൂടുതൽ താല്പര്യം എന്നും അടുത്തിടെ ആർദ്ര പറഞ്ഞിരുന്നു.