അങ്ങേയറ്റം തരംതാണ് സിദ്ധാര്‍ത്ഥ്, ഈ കിളവന്‍ കോമാളിയാകുകയാണോ എന്ന് കമന്റുകള്‍

കുടുംബ വിളക്ക് സീരിയല്‍ ഇപ്പോള്‍ പ്രേക്ഷകരുടെ ക്ഷമ പരീക്ഷിച്ചുകൊണ്ടിരിയ്ക്കുകയാണെന്നാണ് പറയുന്നത്. സുമിത്ര - രോഹിത്ത് കല്യാണം നടക്കുന്നു എന്ന് പറഞ്ഞു തുടങ്ങിയിട്ട് മാസങ്ങളായി എങ്കിലും ഇതുവരെ അത് നടന്നില്ല എന്നതാണ് പ്രേക്ഷകരുടെ നിരാശ. അതിനിടയില്‍ സിദ്ധാര്‍ത്ഥ് പ്രേക്ഷകര്‍ക്ക് ഏറ്റവും അധികം വെറുക്കപ്പെട്ടവനായി കഴിഞ്ഞു. ശത്രുപക്ഷത്ത് ആയിരുന്നു വേദിക പോലും ഇപ്പോള്‍ ആരാധകര്‍ക്ക് പ്രിയപ്പെട്ടതാണ്.

ഏറ്റവും പുതിയ പ്രമോയില്‍ സിദ്ധാര്‍ത്ഥ് കൂട്ടിക്കൊണ്ടു വന്ന മകനെ തിരിച്ചുകൊണ്ടുവരാന്‍ സമ്പത്ത് വരുന്നതായിട്ടാണ് കാണിക്കുന്നത്. ഒരു ദിവസം മകനെ തന്റെ കൂടെ നിര്‍ത്താന്‍ വേദിക ആവശ്യപ്പെട്ടുവെങ്കിലും ഒരു മണിക്കൂര്‍ പോലും നിര്‍ത്തില്ല എന്ന് സമ്പത്ത് തീര്‍ത്ത് പറഞ്ഞത് പ്രേക്ഷകര്‍ക്കും അങ്ങ് ബോധിച്ചു. സമ്പത്തിന്റെ ധീരമായ ചില തീരുമാനങ്ങളെ എന്നും പ്രേക്ഷകര്‍ കൈയ്യടിയോടെയാണ് സ്വീകരിയ്ക്കുന്നത്.

അതിനിടയില്‍ ഡൈവോഴ്‌സ് ആവശ്യപ്പെട്ട് സിദ്ധാര്‍ത്ഥ് വേദികയ്‌ക്കൊപ്പം കോടതിയില്‍ എത്തി. വിവാഹ മോചനം അനുവദിച്ചാല്‍, തനിയ്ക്ക് ആത്മഹത്യ ചെയ്യാനുള്ള അനുവാദം കൂടെ ജഡ്ജ് തരണം എന്നാണ് വേദിക പറയുന്നത്. അതിന് ശേഷം കാണുന്നത് പിരിഞ്ഞ് പോകില്ല എന്ന് പറയുന്ന വേദികയെ സിദ്ധാര്‍ത്ഥ് ശാരീരികമായി ഉപദ്രവിയ്ക്കുന്നതാണ്.

ഈ കിളവന് എന്തിന്റെ കേടാണ് എന്ന് ചോദിച്ചുകൊണ്ടാണ് പ്രമോ വീഡിയോയ്ക്ക് താഴെ കമന്റുകള്‍ വരുന്നത്. അങ്ങേയറ്റം തരം താഴ്ന്ന വ്യക്തിയായി സിദ്ധാര്‍ത്ഥ് മാറി കഴിഞ്ഞു. ആശിച്ചത് കിട്ടാതെയാവുമ്പോള്‍ കൂടുതല്‍ റിബല്‍ ആവുന്നു. സിദ്ധാര്‍ത്ഥിന്റെ കഥാപാത്രത്തെ കോമാളിയാകുന്നത് പോലെയാണ് അനുഭവപ്പെടുന്നത് എന്നാണ് ചിലരുടെ അഭിപ്രായം. അതേ സമയം ഉറച്ച തീരുമാനങ്ങള്‍ എടുക്കുന്ന വേദിക സുമിത്രയെക്കാള്‍ ധൈര്യശാലിയാണ് എന്ന് പ്രശംസിക്കുന്നവരും ഉണ്ട്.