ഇപ്പോഴും എല്ലാ ദിവസവും നിന്നിൽ വീണുപോവുകയാണ്; സ്വന്തം നായികയ്ക്ക് ഒപ്പം ശ്രീറാം!

മിനി സ്‌ക്രീൻ പ്രേക്ഷകരുടെ സ്വന്തം ജീവയാണ് ശ്രീറാം രാമചന്ദ്രൻ. കസ്തൂരിമാന്‍ പരമ്പരയിൽ എത്തിയതോടെയാണ് ശ്രീറാം ഏറെ ശ്രദ്ധിക്കപ്പെടുന്ന താരമായി മാറിയത്. നിറഞ്ഞ കൈയ്യടിയാണ് കുടുംബസദസ്സുകൾ ജീവക്ക് നൽകുന്നതും. കാവ്യ- ജീവ പ്രണയജോഡികളോട് ഇപ്പോഴും ആരാധനയാണ് ഇപ്പോഴും മിനി സ്‌ക്രീൻ പ്രേക്ഷകർക്ക്.

കാവ്യയ്ക്കും ജീവക്കും ഇരട്ടക്കുട്ടികള്‍ ജനിക്കുന്നതും ഇരുവരും പിരിഞ്ഞ് താമസിക്കുന്നതുമൊക്കെയാണ് കഥാഗതി. മലര്‍വാടി ആര്‍ട്‌സ്‌ക്ലബും ഉയരെയുമുള്‍പ്പടെ നിരവധി സിനിമകളുടെ ഭാഗമായ ശ്രീറാം സോഷ്യല്‍ മീഡിയയില്‍ സജീവമാണ്.

ALSO READ: ഒരുപാട് മിസ്സ് ചെയ്യുന്നു; വേഗം മടങ്ങിവരൂ; പ്രതീഷിനോട് സ്വാതി നിത്യാനന്ദ്!

അദ്ദേഹം പങ്കുവെക്കുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഇപ്പോൾ ജീവിത നായികയ്ക്ക് ഒപ്പമുള്ള ഒരു ചിത്രവും അതിനു അദ്ദേഹം നൽകിയ ക്യാപ്‌ഷനും ആണ് ശ്രദ്ധിക്കപെടുന്നത്. ഒരു ചാനൽ പരിപാടിയിൽ പങ്കെടുക്കാൻ എത്തുന്നതിന്റെ സൂചന ആയിട്ടാണ് ശ്രീറാം ചിത്രം പങ്ക് വച്ചത്. വാലന്റൈൻ സ്പെഷ്യൽ എപ്പിസോഡിൽ ആണ് ഇരുവരും ഒന്നിച്ചു ഷോയ്ക്ക് എത്തുന്നത് എന്നാണ് സൂചന.

ALSO READ: നജീം മുതൽ മാളവിക വരെ: സ്റ്റാർ സിംഗേഴ്‌സ് ഇപ്പോൾ എവിടെയാണ്?

വന്ദിതയുമായി പ്രണയ വിവാഹം ആയിരുന്നു ശ്രീറാമിന്റേത്. അതുകൊണ്ടുതന്നെ ഇപ്പോഴും ഓരോ ദിവസവും ഞാൻ നിന്നിലേക്ക് വീണുപോകുകയാണ് എന്ന ക്യാപ്ഷ്യനോടെയാണ് താരം ചിത്രം പങ്ക് വച്ചത്. 2012 ലാണ് വന്ദിത ശ്രീറാമിന്റെ ജീവിതത്തിലേക്ക് കടന്നുവരുന്നത്. കോളജ് പഠനശേഷമാണ് തങ്ങൾ കണ്ടുമുട്ടുന്നതും പ്രണയത്തിലാകുന്നതെന്ന് ശ്രീറാം മുൻപ് വ്യക്തമാക്കിയിട്ടുണ്ട്.