ഉപ്പും മുളകില്‍ ശിവാനിയുടെ അമ്മയും അഭിനയിച്ചിരുന്നു? തെളിവ് നിരത്തി ആരാധകര്‍, ഒപ്പം ആശംസയും

ഉപ്പും മുളകുമെന്ന ഹാസ്യ പരമ്പരയെ കേരളക്കര ഏറ്റെടുത്തിട്ട് കാലം കുറച്ചായി. ആയിരവും കടന്ന് മുന്നേറുകയാണ് പരമ്പര. സീരിയല്‍ വിരോധികള്‍ പോലും വിടാതെ കാണുന്ന പരിപാടിയെന്ന നേട്ടവും ഉപ്പും മുളകിനുണ്ട്. പരിപാടിയിലെ താരങ്ങള്‍ക്കെല്ലാം മികച്ച പിന്തുണയാണ് പ്രേക്ഷകര്‍ നല്‍കുന്നത്. കുഞ്ഞുതാരമായ പാറുക്കുട്ടിയുടെ പേരില്‍ വരെ ഫാന്‍സ് ഗ്രൂപ്പുകളും പേജുകളും സജീവമാണ്. ഒരു സാധാരണ കുടുംബത്തില്‍ സംഭവിക്കുന്ന കാര്യങ്ങളെ ഹാസ്യത്തിന്‍റെ മേമ്പൊടിയോടെ അവതരിപ്പിക്കുകയാണ് ഉപ്പും മുളകും. പാറമട വീട്ടിലേക്ക് അടുത്തിടെയായിരുന്നു പൂജ ജയറാം എത്തിയത്.

Also Read: ഈ രാത്രി പലതും അവസാനിക്കും, പലതും തുടങ്ങുകയും ചെയ്യും!

പൂജയുടെ വരവുമായി ബന്ധപ്പെട്ട് വ്യത്യസ്തമായ അഭിപ്രായങ്ങളായിരുന്നു ഉയര്‍ന്നുവന്നത്. ലച്ചുവിന് പകരമായാണോ പൂജ എത്തിയതെന്ന തരത്തിലുള്ള ചോദ്യങ്ങളും ഉയര്‍ന്നുവന്നിരുന്നു. ലച്ചുവിന് പകരക്കാരിയായല്ല താനെത്തിയതെന്നും ഉപ്പും മുളകില്‍ അഭിനയിച്ചതോടെ കൂടുതല്‍ പേരും തന്നെ തിരിച്ചറിയുന്നുണ്ടെന്നും അശ്വതി നായര്‍ പറഞ്ഞിരുന്നു. ഉപ്പും മുളകില്‍ അഭിനയിക്കുന്ന താരങ്ങളുടെ വ്യക്തി ജീവിതത്തെക്കുറിച്ചറിയാനും ആരാധകര്‍ക്ക് താല്‍പര്യമാണ്.

Also Read: ഒടുവില്‍ ഞാനത് ചെയ്തുവെന്ന് ശ്രുതി ലക്ഷ്മി!

ബാലു-നീലു ദമ്പതികളുടെ രണ്ടാമത്തെ മകളായാണ് ശിവാനി അഭിനയിക്കുന്നത്. കുഞ്ഞുന്നാളിലേ പാട്ടും പ്രസംഗവുമൊക്കെയായി സജീവമായിരുന്നു ശിവാനി. താരത്തിന്റെ ക്യൂട്ട് വീഡിയോ വൈറലായി മാറിയിരുന്നു. വലിയ കാര്യങ്ങളാണ് ശിവാനി പറയാറുള്ളതെന്നായിരുന്നു നിഷ സാരംഗും ബിജു സോപാനവും പറഞ്ഞത്.

ശിവാനിയുടെ അമ്മയായ മീനയും ഉപ്പും മുളകില്‍ പ്രത്യക്ഷപ്പെട്ടിരുന്നുവെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്. ഫാന്‍സ് ഗ്രൂപ്പുകളിലൂടെയായിരുന്നു ഇക്കാര്യം പ്രചരിച്ചത്. ശിവാനിയുടെ അമ്മ പിറന്നാള്‍ കൂടിയാണ് വ്യാഴാഴ്ച. അമ്മയ്ക്ക് ആശംസ നേര്‍ന്നതിനൊപ്പമായാണ് അമ്മ പ്രത്യക്ഷപ്പെട്ട എപ്പിസോഡുകളും ആരാധകര്‍ കണ്ടെത്തിയത്.

Also Read: നമ്മളൊന്നിച്ചായിരിക്കുമ്പോൾ കിടിലനാണ്


ചിത്രത്തിനും വിവരങ്ങള്‍ക്കും കടപ്പാട്: ഉപ്പും മുളകും ഫാന്‍സ് ക്ലബ് ഫേസ്ബുക്ക് പേജ്