അങ്ങനെ കാത്തിരുന്ന വിവാഹം; ഉപ്പും മുളകും മുടിയൻ വിവാഹിതനാകുന്നു; വധുവിനെ മനസിലായെന്ന് സോഷ്യൽ മീഡിയ

ചാനൽ പുറത്തുവിട്ട ഏറ്റവും പുതിയ പ്രമോയാണ് വൈറലായി മാറുന്നത്. ഇനി കല്യാണ മേളം. ഉപ്പും മുളകും മുടിയൻ വിവാഹിതനാകുന്നു എന്നാണ് പ്രമോയിൽ സൂചിപ്പിക്കുന്നത്. നിങ്ങളുടെ സന്തോഷമാണ് ഞങ്ങളുടെ സന്തോഷം എന്ന് മുടിയൻ പറയുന്നുണ്ട്. ഉടൻ ഉയരും ഒരു കല്യാണ പന്തൽ എന്ന് പറയുന്നതും നീലു സാരിയിൽ അതി സുന്ദരി ആയി എത്തുന്നതും പുതിയ പ്രമോയിൽ കാണാൻ കഴിയും.

ചേട്ടനെ കണ്ടിട്ട് പെണ്ണും പെണ്ണുവീട്ടുകാരും ഞെട്ടണം എന്നാണ് കേശു പറയുന്നത്. ആരായിരിക്കും മുടിയന്റെ വധു എന്ന ചോദ്യത്തോടെയാണ് പ്രമോ സസ്പെൻസ് നിറയ്ക്കുന്നത്. അങ്ങനെ മുടിയൻ വിവാഹിതനാവുകയാണ് സുഹൃത്തുക്കളെ എന്ന ക്യാപ്ഷ്യനോടെ പങ്കിട്ട വീഡിയോയിൽ ലച്ചുവിന്റെ വിവാഹം പോലെ ആകരുതേ എന്നും ആളുകൾ ഉപദേശിക്കുന്നത് കാണാം.

ഇനി ലെച്ചുവിന്റെ കല്യാണം നടത്തി വെറുപ്പിച്ച പോലെ മുടിയന്റെ കല്യാണം നടത്തി വെറുപ്പിക്കൽ ആയിരിക്കുമല്ലോ എന്നും ചില കമന്റുകൾ പുതിയ പ്രമോയിൽ ലഭിക്കുന്നുണ്ട്. മുൻപ് ലച്ചു എന്ന കഥാപാത്രത്തിന്റെ വിവാഹത്തോടെ ആ നടി പരമ്പരയിൽ നിന്നും പിന്മാറിയിരുന്നു. ലച്ചുവിന്റെ പിന്മാറ്റം പരമ്പരയുടെ റേറ്റിങ്ങിനെ കാര്യമായ രീതിയിൽ ബാധിച്ചിരുന്നു.

ഡി 4 ഡാൻസ് ഫെയിം ആണ് റിഷി. ലോകത്തില്‍ തന്നെ ശ്രദ്ധേയനായ എന്റര്‍ടൈനര്‍ ആകണം എന്നാണ് തന്റെ ആഗ്രഹം എന്ന് അടുത്തിടെ താരം തുറന്നുപറഞ്ഞിരുന്നു. "ഡാന്‍സും ലൈവ് ഷോസും ഒക്കെയാണ് മുടിയന് കൂടുതല്‍ താത്പര്യം. ഡി ഫോര്‍ ഡാന്‍സ് എന്ന റിയാലിറ്റി ഷോയിലൂടെയാണ് ഞാന്‍ വന്നത്. പിന്നെ എല്ലാവരുടെയും ആഗ്രഹമായിരിയ്ക്കുമല്ലോ അഭിനയം. അങ്ങനെ ഉപ്പും മുളകും കിട്ടിയപ്പോള്‍ ചെയ്തു", എന്നാണ് റിഷി പറഞ്ഞത്.