ബാലുവിന്റെ ഡയലോഗ്
ചേട്ടന്‍ ഇഷ്ടപ്പെട്ട പെണ്ണിനെ കല്യാണം കഴിച്ചെന്നല്ലേയുള്ളൂ. അത് മനസിലാക്കൂ. അത് ഇത്ര വലിയ വിഷയമാക്കി എടുക്കേണ്ടതില്ലെന്ന് ലച്ചുവും കേശുവും പറഞ്ഞപ്പോള്‍ അവരെ ഉപദ്രവിക്കുകയായിരുന്നു ബാലു. അതിനിടയിലായിരുന്നു മുടിയനും ഭാര്യയും പുറത്തുനിന്ന് ഭക്ഷണം ഓര്‍ഡര്‍ ചെയ്തത്. കേശുവാണ് ഓര്‍ഡര്‍ ചെയ്‌തെന്നായിരുന്നു ബാലു കരുതിയത്. അതിനിടയിലായിരുന്നു മുടിയന്റെ ഭാര്യ ഫുഡ് ചോദിച്ച് വന്നത്. ഇതോടെ ഫുഡ് വലിച്ചെറിഞ്ഞത്. ഇങ്ങനെയാണോ അച്ഛാ ചെയ്യേണ്ടതെന്ന് മുടിയന്റെ ഭാര്യ ചോദിച്ചപ്പോള്‍ നീ എന്നെ മര്യാദ പഠിപ്പിക്കേണ്ടെന്നായിരുന്നു ബാലുവിന്റെ ഡയലോഗ്. ദേഷ്യവും സങ്കടവുമൊക്കെയായി വല്ലാത്തൊരു മാനസികാവസ്ഥയിലാണ് ബാലു. മരുമകള്‍ കാലില്‍ വീണെങ്കിലും നീലു പ്രതികരിച്ചിരുന്നില്ല. വിധിയാണ് ഇത്, അല്ലാതെന്ത് പറയാനാണെന്നും ബാലു ചോദിക്കുന്നുണ്ടായിരുന്നു.
ബിസിനസുകാരാണ്
മരുമകളെക്കുറിച്ച് ബാലു മോശമായി ഫോണില്‍ സംസാരിച്ചിരുന്നു. ബാലു അച്ഛന്‍ പറയുന്നതൊക്കെ ഞാന്‍ കേട്ടിരുന്നു. എന്റെ അച്ഛനും അമ്മയുമൊക്കെ വല്യ ബിസിനസുകാരാണ്. ഞാനും നല്ല കുടുംബത്തിലെയാണ്. എന്റെ കുടുംബത്തെ മോശം പറഞ്ഞാല്‍ എന്റെ പ്രതികരണം ഇങ്ങനെയായിരിക്കില്ലെന്നായിരുന്നു മുടിയൻ പറഞ്ഞത്. യുദ്ധം ചെയ്യാനുള്ള പുറപ്പാടിലാണോ നിങ്ങളെന്നായിരുന്നു നീലു ചോദിച്ചത്. എല്ലാരും നാല് വഴിക്ക് പോയി കുടുംബം ശിഥിലമാവട്ടെ. എന്റെ പ്രായമുള്ളൊരു പെണ്‍കുട്ടിന്റെ ഭാര്യ പറഞ്ഞത്. എന്റെ ഭാര്യയെക്കുറിച്ച് മോശം പറഞ്ഞാല്‍ ഞാനും പ്രതികരിക്കുമെന്നും മുടിയന് ബാലുവിനോട് പറഞ്ഞിരുന്നു. എന്ത് ഭാവിച്ചാണ്, അവനോട് യുയാണ് ചേട്ടന്റെ റൂമിലുള്ളത് എന്ന ഓര്‍മ്മ വേണമെന്നായിരുന്നു ലച്ചു ബാലുവിനോട് പറഞ്ഞത്. അത് കേട്ടതും ബാലുവിന്റെ മുഖം മാറുന്നുണ്ടായിരുന്നു.
സങ്കടം പറഞ്ഞത്
സുഷമയെ വിളിച്ചായിരുന്നു നീലു സങ്കടം പറഞ്ഞത്. എല്ലാം നമ്മള്‍ വിചാരിക്കുന്ന പോലെയല്ലല്ലോ നടക്കുന്നത്. നേരത്തെ ഞാന്‍ ചീത്ത പറയുന്നതും ബഹളം വെക്കുന്നതും മനസില്‍ തട്ടിയിട്ടില്ല. ഇത് മനസില്‍ തട്ടിയാണ്, അവനോട് ക്ഷമിക്കാന്‍ എനിക്ക് പറ്റില്ല. എന്നാലും അവന്‍ പറ്റിച്ച് കളഞ്ഞല്ലോയെന്നായിരുന്നു ബാലു നീലുവിനോട് ചോദിച്ചത്. നിങ്ങളെപ്പോലെ തന്നെ അവരോട് എനിക്കും ദേഷ്യമുണ്ട്. പക്ഷേ, എനിക്കൊന്നും പറയാനാവുന്നില്ല. ഞാനൊരു അമ്മയാണെന്നായിരുന്നു നീലു പറഞ്ഞത്. ഇതൊന്നും കണ്ട് ഇവിടെ നില്‍ക്കാനിഷ്ടമില്ല. ഞാന്‍ പോവണമെന്നില്ലെങ്കില്‍ മോനെ ഇവിടെ നിന്നും പറഞ്ഞുവിടണമെന്നും ബാലു നീലുവിനോട് പറഞ്ഞിരുന്നു. എല്ലാം അറിഞ്ഞെന്നും എന്ത് പറയണമെന്നറിയാത്തതും കൊണ്ടാണ് ഞാന്‍ നിന്നെ വിളിക്കാതിരുന്നതെന്നായിരുന്നു ഭാസി പറഞ്ഞത്.
ഇറങ്ങുകയാണ്
നിങ്ങളൊക്കെ എനിക്കേറെ പ്രിയപ്പെട്ടതാണ്. നിങ്ങളുടെ കൂടെ കല്യാണത്തിനൊക്കെ ഞാനും ഓടി നടക്കേണ്ടതല്ലോ എന്നൊക്കെ ഭാസി ചോദിച്ചിരുന്നു. പാറുവുമായി മുടിയനും ഭാര്യയും സംസാരിക്കുന്നതും ചോക്ലേറ്റ് കൊടുക്കാന്‍ ശ്രമിച്ചതും ബാലു ചോദ്യം ചെയ്തിരുന്നു. ഇവിടെ നില്‍ക്കുമ്പോള്‍ കുറച്ചൊക്കെ മര്യാദയാവാം, എല്ലാത്തിനും മറുപടി കൊടുക്കുന്ന ശീലം ഇവിടെ വേണ്ടെന്നായിരുന്നു നീലു മരുമകളോട് പറഞ്ഞത്. വീട്ടിലെ അവസ്ഥയില്‍ വല്ലാതെ മാനസികപ്രയാസമെന്നായിരുന്നു ലച്ചു പറഞ്ഞത്. വാടക പകുതി ഷെയര്‍ ചെയ്യാമെന്നും കിച്ചണ്‍ ഞങ്ങള്‍ക്കും ഉപയോഗിക്കണമെന്നായിരുന്നു മുടിയനും ഭാര്യയും പറഞ്ഞത്. സ്റ്റാന്‍ഡേര്‍ഡില്ലാത്ത കുടുംബത്തിലേക്കാണ് വന്ന് കയറിയതെന്നും മുടിയന്റെ ഭാര്യ പറഞ്ഞിരുന്നു. ആ സമയത്തെ ദേഷ്യത്തില്‍ പറഞ്ഞതാണെന്നായിരുന്നു മുടിയന് പറഞ്ഞത്. മുടിയനും ഭാര്യയും വീട്ടില്‍ സ്ഥിരമായി താമസിക്കുകയാണെങ്കില്‍ താന്‍ അവിടെ നിന്നും ഇറങ്ങുമെന്നായിരുന്നു ബാലു പറഞ്ഞത്.