നീയും പ്രേമിച്ച് കല്യാണം കഴിക്കും! അന്ന് അച്ഛന്‍ നിന്നെയും ശപിക്കും! മുടിയനെ പ്രാകി കേശു

സംഭവബഹുലമായ കാര്യങ്ങളാണ് പാറമട വീട്ടില്‍ അരങ്ങേറുന്നത്. ലച്ചുവിന് പിന്നാലെയായി മുടിയനും വിവാഹ ജീവിതത്തിലേക്ക് പ്രവേശിച്ചിരിക്കുകയാണ്. വീട്ടില്‍ കല്യാണാലോചന തുടങ്ങിയ സമയത്തായിരുന്നു മുടിയന്‍ കാമുകിയേയും വിളിച്ച് വീട്ടിലേക്ക് വന്നത്. ഞങ്ങളുടെ വിവാഹം കഴിഞ്ഞെന്ന് ഇരുവരും പറഞ്ഞതോടെയായിരുന്നു ബാലുവും നീലുവും ഞെട്ടിയത്. രണ്ടുപേരോടും ഇറങ്ങിപ്പോവാനായിരുന്നു ബാലു പറഞ്ഞത്. മുടിയനെ കാണുമ്പോഴെല്ലാം ബാലു ദേഷ്യം പ്രകടിപ്പിക്കുന്നുണ്ടായിരുന്നു. ഇടയ്ക്ക് മരുമകള്‍ സംസാരിക്കാന്‍ വന്നപ്പോഴും ബാലു ദേഷ്യപ്പെട്ടിരുന്നു. മകനേയും മരുമകളേയും വീട്ടില്‍ നിന്നും പുറത്താക്കിയില്ലെങ്കില്‍ താന്‍ ഇറങ്ങിപ്പോവുമെന്നും ബാലു പറഞ്ഞിരുന്നു.
അമ്മ പറഞ്ഞാല്‍ വീട്ടില്‍ നിന്നും ഇറങ്ങിപ്പോവാമെന്നായിരുന്നു മുടിയനും ഭാര്യയും പറഞ്ഞത്. നീലുവാകട്ടെ പ്രത്യേകിച്ചൊന്നും പ്രതികരിച്ചിരുന്നില്ല. മുടിയനെ പുറത്താക്കുന്നില്ലെന്ന് മനസിലാക്കിയതോടെയാണ് ബാലു വീടുവിട്ടിറങ്ങിയത്. നെയ്യാറ്റിന്‍കരയിലേക്കായിരിക്കും ബാലു പോയതെന്നായിരുന്നു കേശുവും ലച്ചുവും നീലുവും കരുതിയത്. എന്നാല്‍ നെയ്യാറ്റിന്‍കരയില്‍ ബാലു എത്തിയിട്ടില്ലായിരുന്നു. പരിചയമുള്ളവരെയൊക്കെ വിളിച്ച് ചോദിച്ചെങ്കിലും ആരും ബാലുവിനെ കണ്ടിട്ടില്ലായിരുന്നു. അച്ഛനെ കാണാത്തതിന്റെ വിഷമത്തില്‍ ചേച്ചിയെ കാണുമ്പോഴെല്ലാം കേശു ദേഷ്യപ്പെടുന്നുണ്ടായിരുന്നു. ഇടയ്ക്ക് മുടിയന്റെ ഭാര്യയുടെ അച്ഛനും പാറമട വീട്ടിലേക്കെത്തിയിരുന്നു. മകളെ വിട്ട് തന്നാല്‍ ആവശ്യപ്പെടുന്ന പണം തരാമെന്നായിരുന്നു അദ്ദേഹം പറഞ്ഞത്. ഞങ്ങളാരും അവളെ പിടിച്ച് വെച്ചിട്ടില്ലെന്നായിരുന്നു നീലു പറഞ്ഞത്. അമ്മായിഅച്ഛനും മരുമകനും നേരില്‍ കാണുന്നതിന്റെ പ്രമോ സോഷ്യല്‍മീഡിയയിലൂടെ വൈറലായിക്കൊണ്ടിരിക്കുന്നത്. അച്ഛന്‍ ഇങ്ങനെ കാണിക്കാനും മാത്രം ഞാന്‍ എന്ത് തെറ്റാണ് ചെയ്തത്. നീയും പ്രേമിച്ച് കല്യാണം കഴിക്കും, അപ്പോള്‍ അച്ഛന്‍ ഇതുപോലെ നിന്നെ ശപിച്ച് വീട്ടില്‍ നിന്നും പുറത്താക്കുമെന്നായിരുന്നു മുടിയന്‍ കേശുവിനോട് പറഞ്ഞത്. മകളെ തിരികെ കൊണ്ടുപോവാനായി അങ്ങേയറ്റത്തെ ശ്രമങ്ങളുമായാണ് മുടിയന്റെ ഭാര്യയുടെ അച്ഛന്‍ വരുന്നത്.