Vanambadi Update: ആശ്രമം വിടാൻ നിർബന്ധിതനാകുന്ന മോഹൻ; നിർമ്മലയെ വെല്ലുവിളിച്ച് പദ്മിനി!

ആശ്രമത്തിലേക്ക് കുട്ടികളെയും കൂട്ടിയെത്തിയ മോഹൻ മഹിയെ കാണുന്നു. കുട്ടികളെ മഹിയെയും അർച്ചനയും ഏൽപ്പിക്കുന്നു. തംബുരുവിനെ കണ്ട സന്തോഷത്തിൽ അർച്ചനയുടെ ഭാവത്തിൽ മാറ്റം വരുന്നു. എന്നാൽ താൻ ഇത്രയും കാലം മകൾ എന്ന് കരുതികൊണ്ടിരുന്ന തംബുരു പെട്ടെന്ന് തന്നിൽ നിന്നും പോകുന്നോ എന്ന സങ്കടം മോഹന്റെ ഉള്ളിൽ നിലനിൽക്കുന്നു.

മോഹന്റെ അടുത്ത് നിന്നും എങ്ങനെയും അനുവിനെ കൂട്ടികൊണ്ട് വരണം എന്ന് പദ്ധതിയിടുകയാണ് പദ്മിനിയും കൂട്ടരും. അതിനായി നിർമ്മലയെ വെല്ലുവിളിക്കാനായി അവർ തീരുമാനിക്കുന്നു. ഇത് പ്രകാരം മേനോനും രുക്മിണിയും നിർമ്മലയെ കാണാനായി റൂമിൽ നിന്നും പുറത്ത് വരുന്നു. എന്നാൽ അപ്പോഴേക്കും നിർമ്മല അവരെ കാണാൻ ആയി അവിടേക്ക് എത്തുന്നു. അനുവിനെ താൻ കൂട്ടികൊണ്ട് വരുമെന്ന് പദ്മിനി അവരോട് പറയുന്നു. പിന്നീട് കാണിക്കുന്നത് ആശ്രമം ആണ്. വിഷമിച്ചിരുന്ന മോഹന്റെ അടുക്കലേക്ക് മഹിയെത്തുന്നു. തംബുരുവിനെ കൂട്ടി കൊണ്ട് വന്നതിന് മഹി കരഞ്ഞു കൊണ്ട് മോഹനോട് നന്ദി പറയുന്നു.

അനുമോളുടെ അച്ഛനായി മോഹനെ അർച്ചനയുടെ മുൻപിൽ അവതരിപ്പിക്കുന്നു. ശേഷം മൂർത്തിയുടെ നിർദ്ദേശപ്രകാരം മോഹൻ ആശ്രമത്തിൽ നിന്നും പോകാൻ ഒരുങ്ങുന്നു. എന്നാൽ എന്ത് കൊണ്ടാണ് ഞങ്ങളെ കൂട്ടികൊണ്ടുപോകാത്തത് എന്ന് അനുമോൾ ചോദിക്കുന്നു. എന്നാൽ മൂർത്തി സ്വാമികൾ തന്നോട് പൊയ്ക്കള്ളാൻ പറഞ്ഞതായി അനുവിനോട് പറഞ്ഞ ശേഷം മോഹൻ അവിടെനിന്നും പോകാനായി തയ്യാറെടുക്കുന്നു.

മോഹനെ യാത്രയാക്കാനായി അനുവെത്തുന്നു. ഒപ്പം മൂർത്തി സ്വാമികളും. എന്നാൽ തംബുരു എവിടെയെന്ന് തിരക്കുകയാണ് മൂർത്തി സ്വാമികൾ. മോഹൻ പോകുന്നതിന് തംബുരുവിനെക്കാളും കൂടുതൽ അനുവിനാണല്ലോ സങ്കടം എന്ന് മോഹനെ തോന്നിപ്പിക്കാനായി അദ്ദേഹം സംസാരിക്കുന്നു.

മോഹൻ യാത്ര പറഞ്ഞപ്പോൾ അനുവിന് മാത്രം സങ്കടം വന്നത് എന്ത് കൊണ്ടാണ് എന്ന ചിന്തയിലാണ് മഹി. അത് അയാൾ അനുവിനോടും പങ്ക് വയ്ക്കുന്നു. ഈ ഭാഗത്തോടെയാണ് ഇന്നത്തെ എപ്പിസോഡ് അവസാനിക്കുന്നത്.