Vanambadi update: തംബുരുവിനെ പിരിഞ്ഞ വേദനയിൽ പൊട്ടിക്കരഞ്ഞ് പദ്മിനി; വില്ലത്തി സ്വഭാവത്തിന് മാറ്റം വരുമോ?

തംബുരു വീട് വിട്ടു നിന്നത് നന്നായി എന്നും അമ്മയുടെ വില എന്താണെന്നു തിരിച്ചറിയാൻ ഈ അവസരം നന്നായി എന്ന് പറയുന്ന രുക്മിണിയെ കാണിച്ചു കൊണ്ടാണ് വാനമ്പാടി ആരംഭിക്കുന്നത്. ഈ അവസരം നിന്റെയാണെന്നും അത് മാക്സിമം ഉപയോഗിക്കണെമന്നും മകളെ ഉപദേശിക്കുകയാണ് ഡാഡിയും മമ്മിയും. എന്നാൽ അർച്ചനയ്ക്ക് ശരിക്കും ഭ്രാന്തുണ്ടോ എന്ന സംശയത്തിൽ രുക്മിണിയെത്തുന്നു. ഇത് മഹിയും സ്വാമിയും തമ്മിലുള്ള ഡ്രാമയാണെന്നും രുക്മിണി ഇരുവരോടും പറയുന്നെങ്കിലും പദ്മിനിയും മേനോനും അംഗീകരിക്കുന്നില്ല.എങ്കിലും അർച്ചനയുടെ രോഗാവസ്ഥ യാതാർഥ്യമാണോ എന്നറിയാനായി പദ്മിനി ഒരു സൈക്യാട്രിസ്റ്റുമായി സംസാരിക്കുന്നു. അദ്ദേഹം പദ്മിനിയെ തംബുരുവിനെ അർച്ചനയുടെ പക്കൽ നിന്നും മാറ്റുവാനായി ഉപദേശിക്കുന്നു.

മകൾക്ക് എന്തോ സംഭവിച്ചിട്ടുണ്ടെന്നും താനും മോഹന്റെ കൂടെ ആശ്രമത്തിലേക്ക് വരുന്നുണ്ടെന്നും പറഞ്ഞു കരയുന്ന പദ്മിനിയെ മോഹൻ ശകാരിക്കുന്നു. തനിക്ക് വീട്ടിൽ പോകണം എന്ന ആഗ്രഹം അനുവിനോട് തംബുരു പങ്ക് വയ്ക്കുന്നു. പദ്മിനിയെ വിളിച്ചു സംസാരിക്കാനായി മഹി തംബുരുവിന് ഫോൺ നൽകുന്നു. എന്നാൽ അർച്ചന അവിടേക്ക് എത്തുന്നതോടെ പദ്മിനിയെ വിളിക്കാൻ ആകുന്നില്ല. അർച്ചനയുടെ ആരോഗ്യ വിവരം സ്വാമിയുമായി മഹിയും അമ്മയും സംസാരിക്കുന്നു.

തംബുരു തിരികെ വിളിക്കാഞ്ഞതിന്റെ ടെൻഷനിലാണ് പദ്മിനി. ആശ്രമത്തിൽ എന്തോ സംഭവിച്ചിട്ടുണ്ട് എന്ന് പദ്മിനി മോഹനോട് സംസാരിക്കുന്നു. എന്നാൽ ആശ്രമത്തിൽ ഒന്നും സംഭവിച്ചിട്ടില്ലെന്നും വേഗം തിരികെ എത്താനും മഹി മോഹനോട് പറയുന്നു. എന്നാൽ മഹിയുടെ ആരും അല്ലല്ലോ തംബുരു എന്ന് പദ്മിനി മോഹനോട് പറയുമ്പോൾ അത് എങ്ങനെ ശരിയാകും എന്നും മഹിയുടെ മകൾ അല്ലേ അവൾ എന്നും മോഹൻ ചോദിക്കുന്നു. മഹിയുടെ മോളോ, എന്ന് അൽപ്പം ഞെട്ടലോടെ പദ്മിനി ചോദിക്കുന്നുണ്ടെങ്കിലും ഇപ്പോൾ മഹിയുടെ ഐശ്വര്യ മോൾ അല്ലേ അവൾ എന്ന് മോഹൻ പറയുമ്പോഴാണ് പദ്മിനിയ്ക്ക് സമാധാനം ആകുന്നത്.

തംബുരുവിന് എന്തോ അപകടം സംഭവിചിട്ടുണ്ടെന്നും അതിനാണ് മോഹൻ ഇത്ര തിരക്കിട്ട് ആശ്രമത്തിലേക്ക് പോകുന്നതെന്നും രുക്മിണി ചന്ദ്രനോടും നിർമ്മലയോടും പറയുന്നു. എന്നാൽ അത് തംബുരുവിനെ കൂട്ടികൊണ്ട് തിരികെ വരാൻ ഉള്ള അടവാണെന്ന് മോഹൻ ചന്ദ്രനോട് പറയുന്നു. തംബുരു മഹിയുടെ ഫോണിൽ നിന്നും പദ്മിനിയുമായി സംസാരിക്കുന്നു. ഇരുവരുടെയും സംസാരം അവസാനം കരച്ചിലിന്റെ വക്കിലെത്തുകയും പരസ്പരം കാണാൻ കഴിയാത്ത സങ്കടത്തിൽ ഇരുവരും ഫോൺ വയ്ക്കുകയും ചെയ്യുന്നു. വിഷമത്തോടെ ഇരിക്കുന്ന തംബുരുവിനെ മഹിയും അനുവും ആശ്വസിപ്പിക്കുന്നു. ചന്ദ്രന്റെയും നിർമ്മലയുടെയും സംഭാഷണത്തിലൂടെയാണ് എപ്പിസോഡ് അവസാനിക്കുന്നത്.