'ഹിന്ദു ദെെവങ്ങളെ അധിക്ഷേപിക്കുന്നവരുടെ നാവ് അരിയുക'; ഒരു കോടി പാരിതോഷികം നല്‍കുമെന്ന് കര്‍ണി സേന

സെയ്ഫ് അലി ഖാന്റെ പുതിയ വെബ് സീരീസായ താണ്ഡവിനെതിരായ ഹിന്ദുത്വവാദികളുടെ പ്രതിഷേധം അവസാനിക്കുന്നില്ല. കര്‍ണി സേനയാണ് ഇപ്പോള്‍ താണ്ഡവിനെതിരെ രംഗത്തെത്തിയിരിക്കുന്നത്. ഹിന്ദു ദെെവങ്ങളെ അധിക്ഷേപിക്കുന്നവരുടെ നാവ് പിഴുതെടുക്കുന്നവര്‍ക്ക് ഒരു കോടി രൂപ പാരിതോഷികം നല്‍കുമെന്ന വിവാദ പ്രസ്താവനയാണ് കര്‍ണി സേന രംഗത്ത് എത്തിയിരിക്കുന്നത്. മഹാരാഷ്ട്ര കര്‍ണി സേന മേധാവി അജയ് സെംഗര്‍ ആണ് പാരിതോഷികം വാഗ്ദാനം ചെയ്തിരിക്കുന്നത്.

Also Read: 'ഹിന്ദുമതത്തെ അപമാനിക്കുന്നു'; സെയ്ഫ് അലി ഖാന്റെ വെബ് സീരീസിനെതിരെ ബിജെപി

നേരത്തെ സീരിസിനെതിരെ ബിജെപി രംഗത്ത് എത്തിയിരുന്നു. സീരീസ് ഹിന്ദുമത വിശ്വാസത്തെ വ്രണപ്പെടുത്തുന്നുവെന്നാണ് ബിജെപിയുടെ ആരോപണം. കേന്ദ്ര വാര്‍ത്താ പ്രേക്ഷേപണ മന്ത്രി ബിജെപി പരാതി നല്‍കിയിരുന്നു. സീരീസിനെതിരെ നിരവധി ഹിന്ദുത്വവാദികള്‍ രംഗത്ത് എത്തിയിരുന്നു. ബിജെപി എംപി മനോജ് കൊട്ടക്ക് ഉള്‍പ്പടെ നിരവധി പേര്‍ പരസ്യമായി തന്നെ രംഗത്ത് എത്തിയിരുന്നു. നടൻ സെയ്ഫ് അലി ഖാൻ, സംവിധായകൻ അലി അബ്ബാസ് സഫർ എന്നിവർക്കെതിരെ ചണ്ഡീഗഡ് പൊലീസിനും പരാതി നൽകിയിരുന്നു. സീരീസ് നിരോധിക്കണമെന്നാണ് ബിജെപി ആവശ്യപ്പെടുന്നത്.

സീരീസിലൊരു രംഗത്തില്‍ നടന്‍ സീഷാന്‍ അയുബ് അവതരിപ്പിക്കുന്ന കഥാപാത്രം ശിവനേയും രാമനേയും അപമാനിക്കുന്നുണ്ട്. സീരീസിലുടനീളം ഹിന്ദു ദെെവങ്ങളെ അപമാനിക്കുന്നു. തുടങ്ങിയ ആരോപണങ്ങളാണ് സീരീസിനെതിരെ ഉയരുന്നത്. ബാന്‍ താണ്ഡവ് എന്ന ഹാഷ്ടാഗും ട്വിറ്ററില്‍ ട്രെന്റായിപുന്നു. സെയ്ഫും അയുബൂം സീരീസിന്റെ ക്രീയേറ്ററും മാപ്പ് ചോദിക്കണമെന്നായിരുന്നു പ്രതിഷേധിക്കാരുടെ ആവശ്യം.

Also Read: 'ജസ്റ്റിസ് പിള്ള'യേയും 'റാസ്കൽ' എന്ന വിളിയേയും മറക്കാനാവില്ലെന്ന് തിലകന്‍റെ കൊച്ചുമോൻ

പരാതിയുടെ അടിസ്ഥാനത്തിൽ പ്രക്ഷേപണ മന്ത്രാലയം നോട്ടീസ് അയക്കുകയും സീരീസിന്റെ അണിയറ പ്രവർത്തകർക്കെതിരെ കേസ് രജിസ്റ്റർ ചെയ്യുകയും ചെയ്തിരുന്നു. തുടർന്ന് താണ്ഡവിന്റെ നിര്‍മ്മാതാക്കള്‍ സംഭവത്തിൽ മാപ്പ് പറഞ്ഞെങ്കിലും തെറ്റ് അംഗീകരിക്കാനാകില്ലെന്നാണ് അജയ് സെംഗർ വ്യക്തമാക്കുന്നത്. ഇതിന് പിന്നാലെ ആയിരുന്നു നാവരിയുന്നവർക്ക് ഒരു കോടി വാഗ്ദാനം ചെയ്തുകൊണ്ടുളള സെംഗറിന്റെ വിവാദ പ്രഖ്യാപനം.