ശ്രീകാന്ത് തിവാരി എവിടെ? ആകാംഷ നിറച്ച് ദ ഫാമിലി മാന്‍ സീസണ്‍ 2 ടീസര്‍

കാത്തിരിപ്പിനൊടുവില്‍ ദ ഫാമിലി മാന്‍ സീസണ്‍ ടുവിന്റെ ടീസര്‍ എത്തി. മനോജ് വാജ്പായ് ശ്രീകാന്ത് തിവാരി എന്ന സ്പെെ ആയെത്തുന്ന സീരീസിന്റെ ആദ്യ ഭാഗം വലിയ വിജയമായിരുന്നു. പിന്നാലെ രണ്ടാം ഭാഗത്തിനായി കാത്തിരിക്കുകയായിരുന്നു ആരാധകര്‍. കുടുംബവും സഹപ്രവര്‍ത്തകരും ശ്രീകാന്തിനെ തേടി നടക്കുന്നിടത്താണ് ടീസര്‍ ആരംഭിക്കുന്നത്. ഇത്തവണ കൂടുതല്‍ വലിയ കേസാണ് ടാസ്കിന് നേരിടാനുള്ളത്. അതിനാല്‍ തിവാരി മടങ്ങി വരുന്നതിനായി അവര്‍ കാത്തിരിക്കുന്നു.

Also Read: ദിയയും ഇഷാനിയും ബിഗ്ബോസ് സീസൺ 3ലേക്കോ? വാർത്തകളോട് പ്രതികരിച്ച് ദിയ കൃഷ്ണ രംഗത്ത്, വീഡിയോ!

മനോജിന് പുറമെ പ്രിയാ മണി, ഷാരിബ് ഹാഷ്മി, ശരദ് കേല്‍ക്കര്‍ എന്നിവര്‍ രണ്ടാം സീസണിലുമുണ്ട്. തെന്നിന്ത്യന്‍ താരം സമാന്ത അക്കിനേനിയുടെ ഡിജിറ്റല്‍ അരങ്ങേറ്റത്തിനും ഫാമിലി മാന്‍ സീസണ്‍ ടു കളമൊരുക്കുന്നു. ആദ്യ സീസണില്‍ മലയാളി താരം നീരജ് മാധവായിരുന്നു വില്ലനായെത്തിയത്. അതേസമയം, കഴിഞ്ഞ ദിവസം പുറത്തു വിട്ട പ്രൊമോയില്‍ നീരജ് മാധവുമുണ്ടായിരുന്നു. ഇതോടെ ആരാധകരുടെ പ്രതീക്ഷകളുയര്‍ന്നിരുന്നു.

Also Read: 'മനസാ വാചാ കര്‍ണാടക ഞാന്‍ അറിഞ്ഞിട്ടില്ല', ബിഗ് ബോസ് വാർത്തകളിൽ പ്രതികരിച്ച് 'കരിക്ക് ജോർജ്ജ്'

ഫെബ്രുവരി 12നാണ് സീരിസ് ആമസോണ്‍ പ്രെെമിലൂടെ റിലീസ് ചെയ്യുക. 240 രാജ്യങ്ങളില്‍ സീരീസ് റീലീസ് ചെയ്യും. ജനുവരി 19 നായിരിക്കും സീസണ്‍ ടുവിന്റെ ട്രെയിലര്‍ പുറത്തിറങ്ങുക. രാജും ഡികെയുമാണ് സീരീസിന്റെ ക്രിയേറ്റര്‍മാര്‍.