ട്വിറ്ററിലെ ഉപദ്രവകാരികളെ തടയാന്‍ വഴി തെളിയുന്നു

ട്വിറ്റര്‍ നേരിടുന്ന ഏറ്റവും വലിയ പ്രശ്‍നങ്ങളിലൊന്നാണ് ഉപദ്രവകാരികളായ ഫേക്ക് അക്കൗണ്ടുകള്‍.

മറ്റുള്ളവരെ അപഹസിക്കുകയും അനാവശ്യമായി ട്രോളുകയും മാനസികമായി തളര്‍ത്തുകയും ചെയ്യുന്ന അക്കൗണ്ടുകള്‍ക്ക് എതിരെ നടപടിക്ക് ട്വിറ്റര്‍ ഒരുങ്ങുകയാണ്. പുതിയ ഒരു ടൂള്‍ ഇതിനായി ഉണ്ടാക്കുകയാണ് കമ്പനി ചെയ്യുന്നത്. ഇതനുസരിച്ച് ഉപദ്രവകാരികള്‍ക്ക് എതിരെ ട്വിറ്ററിലൂടെ റിപ്പോര്‍ട്ട് ചെയ്യാം.

ഇപ്പോള്‍ തന്നെ ഹേറ്റ് സ്പീച്ച് റിപ്പോര്‍ട്ട് ചെയ്യാന്‍ ട്വിറ്റര്‍ അവസരം നല്‍കുന്നുണ്ട്. എന്നാല്‍ ഇതില്‍ നിന്ന് വ്യത്യസ്തമായ രീതിയില്‍ ഉപദ്രവകരമായ ട്വീറ്റുകള്‍ തെരഞ്ഞെടുത്ത് റിപ്പോര്‍ട്ട് ചെയ്യാനാണ് പുതിയ അവസരം.

ഒരു ബട്ടണ്‍ ആയിട്ടാണ് പുതിയ സൗകര്യം ലഭിക്കുന്നത്. ഇതനുസരിച്ച് ഹേറ്റ് സ്പീച്ച് ആണെന്ന് ഉപയോക്താവിന് സ്ഥാപിക്കേണ്ടതില്ല. മറിച്ച് ട്വീറ്റുകള്‍ മാര്‍ക്ക് ചെയ്‍താല്‍ മതിയാകും.

Twitter introduce tool to report Hate speech

Twiiter to introduce new button, makes it easier to report Hate speech in the platform.