നടി മൃദുല വിജയും യുവകൃഷ്ണയും വിവാഹിതരായി

നടി മൃദുല വിജയും യുവകൃഷ്ണയും വിവാഹിതരായി. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ആറ്റുകാല്‍ ക്ഷേത്രത്തില്‍ വെച്ചായിരുന്നു വിവാഹം. രാവിലെ 8 മണിക്കും 8-15നും ഇടയിലുളള ശുഭ മൂഹൂര്‍ത്തത്തിലാണ് മൃദ്‌വ ഒന്നായത്. കൊവിഡ് മാനദണ്ഡങ്ങളെല്ലാം പാലിച്ച് വളരെ ലളിതമായിട്ടാണ് ചടങ്ങുകൾ നടന്നത്. പ്രിയ താര ജോഡികൾ ഒന്നായതിന്റെ സന്തോഷം മറച്ചുവയ്ക്കാതെയാണ് ഇരുവരുടെയും വിവാഹ വാർത്ത ആരാധകർ സ്വീകരിച്ചത്. സിംപിൾ ലുക്കിലാണ് ഇരുവരും വിവാഹത്തിന് എത്തിയത്. സെലിബ്രിറ്റി മേക്കപ്പ് ആര്‍ട്ടിസ്റ്റായ വികാസാണ് മൃദുലയെ വിവാഹത്തിന് ഒരുക്കിയത്.