'ഉന്നാലെ മുടിയാത് തമ്പീ' | lucifer | godfather

മോഹന്‍ലാല്‍ എന്ന സൂപ്പർ താരത്തിന്റെ ആരാധകര്‍ ആഘോഷമാക്കിയ ലൂസിഫര്‍ എന്ന സിനിമ തീയേറ്ററുകളിലേക്കെത്തിയിട്ട് മൂന്നര വർഷത്തോളമായി. നാല് പതിറ്റാണ്ടുകൾക്കിടെ മോഹൻലാലിന് ലഭിച്ച ഏറ്റവും വ്യത്യസ്തവും ശക്തവുമായ കഥാപാത്രമായിരുന്നു സ്റ്റീഫൻ നെടുമ്പള്ളി. മലയാള സിനിമയിലെ ആദ്യ 200 കോടി ക്ലബ് കയറിയ സിനിമ കൂടിയായിരുന്നു ലൂസിഫർ. വെറും 21 ദിവസം കൊണ്ടായിരുന്നു ചിത്രം 150 കോടി ക്ലബ്ബിലേക്ക് എത്തിയത്. പൃഥ്വിരാജിന്റെ സംവിധാനത്തിൽ മോഹൻലാൽ നായകനായി എത്തിയ ചിത്രം സൂപ്പർ ഹിറ്റും കടന്ന് മെ​ഗാഹിറ്റായി. ഇതോടെ ചിത്രത്തിന്റെ തെലുങ്ക് റീമേക്കും അണിയറയിൽ ഒരുങ്ങി. തെലുങ്ക് സൂപ്പർസ്റ്റാർ ചിരഞ്ജീവി നായകനായി എത്തുന്ന ചിത്രത്തിന് ​ഗോഡ് ഫാദർ എന്നാണ് പേരിട്ടത്. ​ഗോഡ് ഫാദറിന്റെ അണിയറ വിശേഷങ്ങൾ ഇപ്പോഴും സോഷ്യൽ മീഡിയ ഏറ്റെടുക്കാറുണ്ട്. ചിത്രത്തിലെ ക്യാരക്റ്റർ പോസ്‌റ്ററുകളെല്ലാം വൻ ശ്രദ്ധ നേടിയിരുന്നു. കഴിഞ്ഞ ദിവസം ചിത്രത്തിന്റെ ട്രെയിലർ പുറത്തിറങ്ങിയതും ശ്രദ്ധേയമായിരുന്നു. ചിരഞ്ജീവിയുടെ മാസും ഫൈറ്റും കോർത്തിണക്കിയ ട്രെയിലറാണ് പുറത്തുവന്നത്. ഒറ്റ ദിനം കൊണ്ട് നാല് മില്യൺ കാഴ്ചക്കാരെയാണ് ട്രെയിലർ നേടിയത്.