'പതിയെയാണ് ചുവടുവെയ്പ്പ്'; മമത ബൈജു | Mamitha Baiju | Pranayavilasam |

സർവ്വോപരി പാലക്കാരൻ എന്ന ചിത്രത്തിലൂടെയാണ് നടി മമിത ബൈജു മലയാള സിനിമയിലേക്കെത്തുന്നത്. തുടർന്ന് വരത്തൻ, വികൃതി തുടങ്ങിയ ചിത്രങ്ങൾ മമിത ബൈജു ചെയ്തെങ്കിയിലും ഏറെ ശ്രദ്ധിക്കപ്പെട്ട തുടങ്ങിയത് ഓപ്പറേഷൻ ജാവ എന്ന ചിത്രത്തിലെ കഥാപാത്രം മികച്ച രീതിയിൽ കൈകാര്യം ചെയ്ത ശേഷമാണ്. പിന്നാലെ കളർ പടം എന്ന ഷോർട്ട് ഫിലിം ഹിറ്റായിരുന്നു. തുടർന്ന് ഖൊഖൊ, സൂപ്പർ ശരണ്യ പോലുള്ള സിനിമകളിൽ പ്രധാന വേഷങ്ങളിൽ തന്നെയാണ് മമിത എത്തിയത്. ശീമാട്ടിയുടെ പരസ്യങ്ങളിലും മമിത താരമായി മാറി. സിനിമാ നടിയെന്ന പരിവേഷമൊന്നും തനിക്കില്ലെന്നും സിനിമയിൽ എത്തിയ ശേഷം തനിക്ക് വലിയ മാറ്റങ്ങൾ ഒന്നും വന്നിട്ടില്ല എന്നും മമിത വ്യക്തമാക്കുന്നു. എട്ടിലും ഒൻപതിലും പഠിക്കുമ്പോഴൊക്കെ സിനിമ തനിക്ക് മറ്റൊരു വലിയ ലോകമായിരുന്നു എന്നും ടിവിയിൽ മാത്രം കണ്ട് പരിചയമുള്ള, അപരിചിതമായ ഒരു ലോകമെന്നും മമിത പറയുന്നു. താൻ ഒരിക്കലും സിനിമയിലേക്ക് എത്തും എന്ന് അറിഞ്ഞിരുന്നില്ല എന്നും സിനിമ ഒരിക്കലും തന്റെ വിദൂര സ്വപ്‌നങ്ങളിൽ പോലുമില്ലാതെ പോയ കാര്യമാണ് എന്നും മമിത കൂട്ടിച്ചേർത്തു. പക്ഷെ യാദൃശ്ചികമായി മൂവി ഇൻഡസ്ട്രിയിലേക്കെത്തി, അതിന് ശേഷം ഇപ്പോൾ സിനിമ സ്വപ്‌നം കണ്ടു തുടങ്ങി എന്നും മമിത പറയുന്നു. നല്ല നല്ല വേഷങ്ങൾ ലഭിക്കണമെന്ന് ആഗ്രഹിച്ചു എന്നും വളരെ പതിയെയാണ് സിനിമയിൽ ചുവടുകൾ വെക്കുന്നത് എന്നും താരം പറയുന്നു.