മസ്റ്റ് വാച്ച് ചിത്രമാണ്; പ്രശംസിച്ച് മുന്‍ ഉപരാഷ്ട്രപതി dulquer salmaan sitaramam

ദുൽഖർ സൽമാനെ നായകനാക്കി ഹനു രാഘവപുടി സംവിധാനം ചെയ്ത സീതാ രാമം എന്ന ചിത്രത്തിന് വളരെ മികച്ച ഒരു പ്രതികരണം കൂടി ലഭിച്ചിരിക്കുകയാണ്. റിലീസ് ദിനം മുതൽ പ്രേക്ഷക നിരൂപക പ്രശംസകൾ ഒരുപോലെ നേടുന്ന ചിത്രത്തെ പുകഴ്ത്തി രം​ഗത്തെത്തിയിരിക്കുകയാണ് മുന്‍ ഉപരാഷ്ട്രപതി വെങ്കയ്യ നായിഡുവാണ്. തീർച്ചയായും കാണേണ്ട സിനിമയാണ് സീതാ രാമമെന്നും ഏറെ നാളുകൾക്ക് ശേഷമാണ് നല്ലൊരു സിനിമ കാണുന്നതെന്നുമാണ് അദ്ദേഹം ട്വിറ്ററിൽ കുറിച്ചത്. സീതാ രാമം കണ്ടുവെന്നും അഭിനേതാക്കളുടെയും സാങ്കേതിക വിഭാഗങ്ങളുടെയും ഏകോപനത്തിൽ ഒരു മനോഹര ദൃശ്യ വിസ്‌മയം അരങ്ങേറിയെന്നുമാണ് അദ്ദേഹം പറഞ്ഞത്. സാധാരണ പ്രണയ കഥ എന്നതിനപ്പുറം ഒരു സൈനികന്റെ ധീരതയുടെ പശ്ചാത്തലത്തില്‍ വിവിധ വികാരങ്ങളെ അനാവരണം ചെയ്യുന്ന ഈ സിനിമ ഒരു മസ്റ്റ് വാച്ച് ചിത്രമാണെന്നും ഒരുപാട് നാളുകൾക്ക് ശേഷം ഒരു നല്ല സിനിമ കാണാൻ കഴിഞ്ഞുവെന്നും യുദ്ധ ശബ്ദങ്ങളില്ലാതെ, കണ്ണിന് കുളിർമയേകുന്ന പ്രകൃതിഭംഗി കണ്ടെത്തിയ സിനിമാ ടീമിന് അഭിനന്ദനങ്ങൾ എന്നുമാണ് തുടരെയുള്ള രണ്ട് ട്വീറ്റുകളിലായി വെങ്കയ്യ നായിഡു കുറിച്ചത്.