സിദ്ദീഖ് കാപ്പന് നീതി ലഭ്യമാക്കണം; രാഹുല്‍ ഗാന്ധിക്ക് നിവേദനം നൽകി കുടുംബം

ത്തര്‍പ്രദേശില്‍ അറസ്റ്റിലായ മാധ്യമ പ്രവര്‍ത്തകന്‍ സിദ്ദീഖ് കാപ്പൻ്റെ കുടുംബവും രാഹുല്‍ ഗാന്ധിയെ കണ്ടു. കാപ്പന് നീതി ലഭ്യമാക്കണമെന്നാവശ്യപ്പെട്ട് കുടുംബം എംപിയെ കണ്ട് നിവേദനം നല്‍കി. കല്‍പ്പറ്റ ഗസ്റ്റ് ഹൗസിലെത്തിയാണ് ഭാര്യ റൈഹാനത്തും സഹോദരനും നിവേദനം നല്‍കിയത്. നീതി ലഭിക്കാന്‍ നടപടി സ്വീകരിക്കുമെന്നാണ് പ്രതീക്ഷയെന്ന് റൈഹാനത്ത് പിന്നീട് മാധ്യമങ്ങളോട് പറഞ്ഞു. സിദ്ദീഖ് കാപ്പനെതിരെ പുതിയ വകുപ്പുകള്‍ ചുമത്തുന്നതില്‍ ആശങ്കയുണ്ടെന്നും, വിഷയത്തില്‍ ഇടപെടല്‍ നടത്തുമെന്ന് രാഹുല്‍ ഗാന്ധി അറിയിച്ചതായും റൈഹാനത്ത് വ്യക്തമാക്കി. അദ്ദേഹത്തെ ഇതുവരെ കാണാന്‍ സാധിച്ചിട്ടില്ല. വക്കീലിനെ പോലും കാണാന്‍ അനുവദിച്ചിട്ടില്ലെന്നും നീതി ലഭിക്കണമെന്നും അവര്‍ പറഞ്ഞു.