സ്‌കൂൾ അടച്ചുപൂട്ടാൻ ഒമ്പതുകാരനെ കൊന്നു തിന്നു, രക്തം കുടിച്ചു

ലുധിയാന: ഒൻപതു വയസുകാരനെ കൊന്ന് ഭക്ഷിച്ച പതിനാറു വയസുകാരനെ പോലീസ് അറസ്റ്റ് ചെയ്‌തു. ദീപു എന്ന ഒമ്പതു വയസുകാരനെ കൊല്ലപ്പെട്ട നിലയിൽ കണ്ടെത്തിയതിനെ തുടർന്ന് പോലീസ് അന്വേഷണം ഊർജ്ജിതപ്പെടുത്തിയിരുന്നു. തുടർന്നാണ് പതിനാറുകാരനായ ദീപുവിന്‍റെ ബന്ധു ദീപുവിനെ കൊലപ്പെടുത്തി ശരീര ഭാഗങ്ങൾ ഭക്ഷിക്കുകയും രക്തം കുടിക്കുകയും ചെയ്‍തതായി കണ്ടെത്തി

ദീപുവിനെ കാണാതായതുമായി ബന്ധപ്പെട്ട് പരിസരത്തെ സിസിടിവി ദൃശ്യങ്ങൾ പരിശോധിച്ചപ്പോൾ പട്ടം പറത്താൻ തരാമെന്ന് പറഞ്ഞ് ബന്ധുവും അയൽവാസിയുമായ വിദ്യാർഥി കൂട്ടിക്കൊണ്ടു പോകുന്നതായി കണ്ടു. വിജനമായ സ്ഥലത്ത് വെച്ച് ദീപുവിനെ ശ്വാസം മുട്ടിച്ചാണ് കൊന്നതെന്ന് ഇയാൾ പോലീസിനോട് സമ്മതിച്ചു.

ആറോളം കഷണങ്ങളായി നുറുക്കിയ ദീപുവിന്‍റെ ശരീരം ചാക്കിൽ കെട്ടിയ നിലയിൽ ദുഗ്രിയിലാണ് കണ്ടെത്തിയത്. കൊലക്ക് ശേഷം ദീപുവിന്‍റെ ഹൃദയം മുറിച്ചു മാറ്റി സ്‌കൂളിന് പുറത്ത് കുഴിച്ചിട്ടതായി പതിനാറുകാരൻ പോലീസിനോട് സമ്മതിച്ചു. സ്‌കൂളിൽ പോകുന്നത് ഇഷ്ടമല്ലായിരുന്നെന്നും സ്‌കൂൾ എന്നന്നേക്കുമായി അടച്ചു പൂട്ടിയിടുന്നതിനും വേണ്ടിയാണ് ഇങ്ങനെ ചെയ്തതെന്നും അയാൾ പറഞ്ഞു. ​സ്വന്തം കൈ കടിച്ചു തിന്നുന്ന ശീലം പ്രതിക്കുണ്ടായിരുന്നെന്ന് മാതാപിതാക്കൾ പറഞ്ഞു.

16-yr-old kills 9-yr-old, chops body into 6 parts, eats flesh, drinks blood