നിരനിരന്ന് 72 കാറുകളുടെ ഡിക്കികൾ കടകളായപ്പോൾ

രസകരമായ കാഴ്ചയായിരുന്നു ബെംഗലുരു മല്ലേശ്വരത്തെ ശിരൂർ പാർക്ക് ഗ്രൗണ്ടിൽ. എഴുപത്തിരണ്ട്
കാറുകൾ ഡിക്കി തുറന്നുയർത്തിവച്ച് നിരത്തിയിട്ടിരിക്കുന്നു. അടുത്തുചെന്നവര്‍ക്ക് ആകാംക്ഷയായി. അതൊരു ഷോപ്പിങ് സെന്ററായിരുന്നു.ഓരോ കാറിന്റെയും ഡിക്കി (ബൂട്ട്) ഓരോ കട. ആരും പ്രഫഷനൽ വ്യാപാരികളല്ല. സ്വന്തം കാറിൽ, സ്വന്തം വീട്ടിലെ സാധനങ്ങൾ വിൽപനയ്ക്കെത്തിച്ചവരുടെ കൂട്ടമാണത്. അൽപകാലം ഉപയോഗിച്ച സാധനങ്ങളാണു പലതും.

പക്ഷേ മറ്റാർക്കെങ്കിലും ഇനിയും ഏറെനാൾ ഉപയോഗിക്കാവുന്നവ. ബാക്കിയൊക്കെ വീട്ടിൽ ഉണ്ടാക്കിയ ഭക്ഷണസാധനങ്ങളും അടക്കമുള്ളവ. ‘യൂസ്ഡ്’ സാധനങ്ങളു‍ടെ ഡിസ്കൗണ്ട് വിൽപന എന്ന കാശുണ്ടാക്കൽ തന്ത്രമായി നടത്തിയതല്ല ഈ ‘കാർ ബൂട്ട് സെയിൽ’ എന്നും ഓർക്കണം. 72 കാറുകളിലെ ഉൽപന്നങ്ങൾ വാങ്ങാനും കാണാനുമായി അയ്യായിരത്തോളം പേരാണ് എത്തിച്ചേ‍ർന്നത്.

A boot full of goodies

Bangalore's First Car Boot Sale.