കാണികളെ ഞെട്ടിച്ച് സിക്സ്പാക് ബോഡിയുമായി ഒരു വൈദികൻ

തൃശ്ശൂര്‍: തൃശ്ശൂര്‍ ജില്ലാ ശരീര സൗന്ദര്യ മത്സരത്തില്‍ ഒരാൾ വേദിയിൽ തന്‍റെ സിക്സ്പാക്ക് മസിലുകൾ പെരുപ്പിച്ച് കാണിച്ചപ്പോള്‍ കാണികൾ സ്തംബധരായി. കാരണം വേദിയിൽ മസിൽ പെരുപ്പിച്ച് നിന്നത് ഒരു വൈദികനായിരുന്നു. സിക്സ്പാക് ബോഡിയുമായി ശരീര സൗന്ദര്യമത്സരത്തില്‍ വൈദികനെ കണ്ടപ്പോള്‍ ഇടവകകാർക്കും നാട്ടുകാർക്കും വിശ്വസിക്കാനായില്ല.

ചാലക്കുടി തുരുത്തിപ്പറമ്ബ് വരപ്രസാദ മാതാ പള്ളിയിലെ വൈദികന്‍ ഫാ. ജോസഫ് സണ്ണിയാണ് താരമായത്. സെമിനാരി പഠനകാലം മുതല്‍ കായികമേഖലയുമായി അടുപ്പമായിരുന്നു. അങ്ങനെ ജിംനേഷ്യം ശീലമാക്കി. ഏഴുമാസത്തെ പരിശീലനം കണ്ടപ്പോള്‍ പരിശീലകന്‍ സന്തോഷിന്‍റെ പിന്തുണയോടെ ഫാ.ജോസഫ് ബോഡി ബില്‍ഡറായി മത്സരത്തിനിറങ്ങുകയായിരുന്നു.