റഹ്മാന്‍റെ മനം കവര്‍ന്ന തെരുവ് പാട്ടുകാരി

സാക്ഷാൽ എ.ആര്‍ റഹ്മാന്‍റെ വരെ മനം കവര്‍ന്നിരിക്കുകയാണ് തെരുവിൽ നിന്നുള്ള ഒരു പാട്ടുകാരി. ആന്ധ്രാപ്രദേശിലെ ഗോദാവരി സ്വദേശിയാണിവര്‍. റഹ്മാൻ സംഗീതം ചെയ്ത കാതലൻ എന്ന സിനിമയിലെ ഇന്ദിരയോ ഇവള്‍ സുന്ദരിയോ എന്ന പാട്ടിന്‍റെ തെലുങ്ക് ഭാഷയിലുള്ള വരികളാണ് ഇവർ പാടിയിരിക്കുന്നത്. ഓ ചെലിയ എന്ന ഈ ഗാനം ഇതിനകം മുപ്പതിനായിരത്തിലേറെ പേര്‍ ഫേസ്ബുക്കിലൂടെ കേട്ട് കഴിഞ്ഞു.

മൂന്ന് മിനിറ്റോളമുള്ള വീഡിയോ എ.ആര്‍ റഹ്മാനും തന്‍റെ ഫേസ്ബുക്ക് അക്കൗണ്ടിലൂടെ പങ്കുവച്ചിട്ടുണ്ട്. അറിയപ്പെടാത്ത, അജ്ഞാതമായ, മനോഹരമായ ശബ്ദം എന്ന് പറഞ്ഞാണ് എ.ആര്‍ റഹ്മാൻ ഇവരുടെ വീഡിയോ പങ്കുവച്ചിരിക്കുന്നത്. ഇവരുടെ പേര് ബേബിയെന്നാണ് ചിലർ വീഡിയോയുടെ താഴെ കമന്‍റ് ചെയ്തിട്ടുമുണ്ട്.