ഈ അമ്പലത്തിലെ പ്രസാദം ബര്‍ഗര്‍, സാന്‍ഡ്‍വിച്ച്...

ചെന്നൈ പഡപ്പായ് ജയ ദുര്‍ഗാ പീഠം ക്ഷേത്രത്തില്‍ പ്രസാദമായി നല്‍കുന്നത് ബര്‍ഗറും ബ്രൗണിയും. ഇതിനൊപ്പം സാന്‍ഡ്‍വിച്ചുകളും ചെറി ടൊമാറ്റോ സാലഡുകളും ഇവിടെ നിന്ന് ഭക്തജനങ്ങള്‍ക്ക് കഴിക്കാം.

പ്രസാദമെല്ലാം ഫുഡ് സേഫ്‍റ്റി ആന്‍റ് സ്റ്റാന്‍ഡേര്‍ഡ്‍സ് അതോറിറ്റി സാക്ഷ്യപ്പെടുത്തിയതാണ്. എല്ലാത്തിന്‍റെയും നിര്‍മാണ തീയതിയും എക്സ്പയറിയും രേഖപ്പെടുത്തിയാണ് നല്‍കുന്നത്. അമ്പലത്തിലുള്ള വെന്‍ഡിങ് മെഷീനില്‍ നിന്നാണ് പെട്ടികളിലായി ഭക്തര്‍ക്ക് പ്രസാദം വാങ്ങാവുന്നത്.

പ്രദേശവാസികളും അല്ലാത്തവരുമായ നിരവധിപ്പേര്‍ ക്ഷേത്രത്തിലേക്ക് എത്തുന്നുണ്ട്. നല്ല ഭക്ഷണം നന്നായി ഉണ്ടാക്കിയാല്‍ ദൈവസന്നിധിയിലൂടെ നല്‍കാം എന്നതാണ് ഈ ആശയത്തിന് പിന്നിലെന്ന് ഈ ആശയം നടപ്പാക്കാന്‍ സഹായിച്ച ഹെര്‍ബല്‍ ഓങ്കോളജിസ്റ്റ് കെ ശ്രീ ശ്രീധര്‍ പറഞ്ഞു.

കുറച്ചുനാളുകള്‍ക്ക് മുന്‍പ് പിറന്നാള്‍ കേക്ക് പ്രസാദം നല്‍കിയ അമ്പലമാണിത്. ഭക്തരുടെ ഡാറ്റബേസ് നിര്‍മിച്ച് വീട്ടിനു മുന്നില്‍ പിറന്നാള്‍ കേക്ക് എത്തിക്കുന്നതാണ് ഇവിടുത്തെ രീതി.

A Temple In Chennai Serves Burgers And Brownies As 'Prasadam'

Traditional prasadam in a Chennai temple such as tamarind rice and sweet pongal are passé. The Jaya Durga Peetham temple in Padappai is now serving burgers and brownies to devotees