ലോകമേ കാണൂ; അബ്ദുൾ കലാമിനായുള്ള തകരഷെഡ് സ്മാരകം!!

മഹാനായ നമ്മുടെ മുൻ രാഷ്ട്രപതി എ.പി.ജെ അബ്ദുള്‍ കലാമിന്റെ സ്മരണകള്‍ക്ക് മുന്നില്‍ രാജ്യം ശ്രദ്ധാജ്ഞലി അര്‍പ്പിക്കുമ്പോള്‍ രാമേശ്വരത്തുനിന്നും വേദനിപ്പിക്കുന്ന ഒരു കാഴ്ച. രാമേശ്വരത്തുള്ള അദ്ദേഹത്തിന്റെ ശവകുടീരം ഈ ഒന്നാം ചരമവാർഷിക വേളയിലും തികഞ്ഞ അവഗണനയിലാണ്. കലാം സ്മാരക നിര്‍മാണം തുടങ്ങിയിട്ടില്ലെന്ന് മാത്രമല്ല ലോകം ആദരിച്ച മഹാന്റെ അന്ത്യവിശ്രമസ്ഥലം പോലീസ് ബാരിക്കേഡിനുള്ളിലാണ് ഇപ്പോഴും സ്ഥിതി ചെയ്യുന്നത്.




തകര ഷെഡ്ഡിനുള്ളിലാണ് ഇപ്പോഴും അബ്ദുള്‍ കലാം എന്ന മഹാപ്രതിഭയുടെ ശവകുടീരം. തകരഷീറ്റ് പാകി കമ്പിവേലി കെട്ടിയ ഷെഡ്ഡിൽ ഇന്ത്യൻ പതാകയുടെ താഴെയാണ് അദ്ദേഹത്തിന്‍റെ അന്ത്യവിശ്രമം. ഇത് പുറത്ത് നിന്ന് ഒരു താഴിട്ട് പൂട്ടിയിട്ടുമുണ്ട്. രാഷ്ട്രപതിയായി ലോകത്തെ നയിച്ച മിസൈല്‍ മാനായി ശാസ്ത്ര ലോകത്തിന് അത്ഭുതമായ ഡോ.എ.പി.ജെ അബ്ദുള്‍ കലാമിന് അര്‍ഹിക്കുന്ന ഒരു സ്മാരകമൊരുക്കാന്‍ സര്‍ക്കാരുകള്‍ക്കായില്ല. നടപടി കൈക്കൊള്ളേണ്ട തമിഴ്‌നാട് സര്‍ക്കാര്‍ ഇതിനായി ഒന്നും ചെയ്തിട്ടില്ല.

കഴിഞ്ഞ ദിവസം ഇവിടെ അദ്ദേഹത്തിന്‍റെ പ്രതിമ അനാച്ഛാദനവുമായി ബന്ദപ്പെട്ടും വിവാദമുണ്ടായി. പ്രതിമ അനാച്ഛാദനം മുസ്ലീം ശരീഅത്തിന് എതിരാണെന്ന് കാണിച്ചാണ് ജമാ അത്ത് ഉൾ ഉലമ പ്രതിഷേധവുമായെത്തിയത്.