കട്ടപ്പ ബാഹുബലിയെ കൊല്ലാൻ കാരണം എൽഡിഎഫ്; സലീം കുമാർ

ബാഹുബലി 2 തിയേറ്ററുകളിൽ എത്തുന്നതിന് മുൻപെ തന്നെ ആളുകൾ പരസ്പരം ചോദിച്ച ചോദ്യമായിരുന്നു കട്ടപ്പ എന്തിന് ബാഹുബലിയെ കൊന്നുവെന്ന്. ഈ ചോദ്യത്തിന് ഉത്തരമറിയാനുള്ള ആകാംക്ഷയിലുമായിരുന്നു സിനിമാ പ്രേമികളും ഒന്നടങ്കം. അപ്പോഴാണ് കട്ടപ്പ ബാഹുബലിയെ കൊന്നത് എൽഡിഎഫ് കാരണമാണെന്ന് പറഞ്ഞ് സലീം കുമാർ രംഗത്തെത്തിയത്. ഒരു പൊതുപരിപാടിക്കിടെ പറഞ്ഞ ഈ രഹകരമായ രഹസ്യം ഇപ്പോൾ സാമൂഹ്യ മാധ്യമങ്ങളിൽ വൈറലാവുകയാണ്.

കട്ടപ്പ ബാഹുബലിയെ കൊന്ന രഹസ്യം താൻ പറയും എന്നുപറഞ്ഞപ്പോൾ അത് വെളിപ്പെടുത്തരുത് എന്നു സദസ് വിളിച്ചു പറഞ്ഞപ്പോഴും സലീം കുമാർ തയ്യാറായിരുന്നില്ല. സദസ് കരുതികാണും യഥാർത്ഥത്തിലുള്ള രഹസ്യമായിരിക്കും സലീം കുമാർ വെളിപ്പെടുത്താൻ പോകുന്നതെന്ന്. എന്നാൽ ഏവരേയും പൊട്ടിചിരിപ്പിച്ചുകൊണ്ട് ആ രസകരമായ രഹസ്യം സലീം വെളിപ്പെടുത്തി. ഇതായിരുന്നു താൻ പറയും എന്നു പറഞ്ഞ ആ രഹസ്യം.

''യുദ്ധത്തിൽ രാജ്യവും സൈന്യവും നഷ്ടപ്പെട്ട് തോൽവിയേറ്റുവാങ്ങിയ കട്ടപ്പ ബാഹുബലിയോട് ചോദിച്ചു, മോനെ ബാഹു ഇനി നമ്മളെന്ത് ചെയ്യും. അപ്പോൾ ബാഹുബലി പറഞ്ഞു: എൽഡിഎഫ് വരും എല്ലാം ശരിയാകുമെന്ന്. ഇതോടെ ഭ്രാന്ത് മൂത്ത കട്ടപ്പ അവിടെയുണ്ടായിരുന്ന തുരുമ്പെടുത്ത വാളെടുത്ത് ബാഹുബലിയെ കുത്തികൊന്നു''. ഇതാണ് കട്ടപ്പ ബാഹുബലിയെ കൊല്ലാനുണ്ടായ കാരണമായി സലീം വെളിപ്പെടുത്തിയത്. കൂട്ടച്ചിരിയോടെയാണ് കാണികൾ സലീമിന്‍റെ ഈ വെളിപ്പെടുത്തൽ ഏറ്റുവാങ്ങിയത്. സാമൂഹ്യ മാധ്യമങ്ങളിൽ വൈറലായ വീഡിയോ ഒന്ന് കണ്ടുനോക്കൂ.



Actor Saleem kumar reveals the reason behind baahubali's death

Saleem kumar says because of LDF kattappa killed baahubali, this video goes viral on social media.