ദുൽഖറിന്‍റെ പാട്ടിന് ഡിസ്കവറിയുണ്ട് ജ്യോതിയുടെ പാട്ടിനോ?

സിനിമ താരങ്ങളിൽ നിന്നും ഒരു പുതിയ സ്വരമാധുരി കൂടി. പാട്ടുപാടുന്ന വീഡിയോ എടുക്കാൻ ആരും ഇല്ലാത്തതു കൊണ്ട് സ്വയം വീഡിയോ എടുത്ത് പോസ്റ്റ് ചെയ്തിരിക്കുകയാണ് നടി ജ്യോതി കൃഷ്ണ.

താരം തന്‍റെ ഫേസ്ബുക്ക് പേജിലാണ് കൈ കുടന്ന നിറയെ... എന്ന് തുടങ്ങുന്ന ഗാനം ആലപിച്ച് പോസ്റ്റ് ചെയ്‌തിരിക്കുന്നത്‌. സംഗീതം പഠിക്കണമെന്ന് ഒരു പാട് ആഗ്രഹിച്ചിരുന്നു എന്നാൽ സാധിച്ചില്ല. ഇപ്പോൾ പഠിക്കാൻ പോകാൻ ചമ്മലാണ്. അതിനാൽ സ്വയം ആലപിച്ച് പോസ്റ്റ് ചെയുന്നു. മോശമാണെങ്കിൽ ക്ഷമിക്കണേ എന്ന മുൻ‌കൂർ ജാമ്യത്തോടെയാണ് താരം വീഡിയോ പോസ്റ്റ് ചെയ്‌തിരിക്കുന്നത്‌. കഴിഞ്ഞ ദിവസം ഡിസ്കവറി ചാനൽ ഷൂട്ട് ചെയ്ത നടൻ ദുൽഖർ സൽമാന്‍റെ ഗാന റെക്കോർഡിങ് വീഡിയോ വൈറൽ ആയിരുന്നു.