തങ്ങള്‍ക്കേറ്റവും പ്രിയപ്പെട്ട താരങ്ങളുടെ സിനിമയുടെ റിലീസിന് ഭീമന്‍ കട്ടൗട്ട് വയ്ക്കുന്നത് ഫാൻസിനിടയിൽ ഒരാഘോഷമാണ്. അത്തരത്തിലുള്ള ആഘോഷം ഏറ്റവും കൂടുതലുള്ളത് തമിഴ്നാട്ടിലാണ്. ഏറ്റവും വലിയ കട്ടൗട്ട് ആരാണ് വയ്ക്കുന്നതെന്നതിൽ ഫാൻസിനിടയിൽ തന്നെ മത്സരവുമുണ്ട്. ഈ കട്ടൗട്ടുകളിൽ പാലഭിഷേകം നടത്തുന്നതും ഫാൻസിന്‍റെ പതിവാണ്. ഇത്തരത്തിൽ നടത്തിയ പാലഭിഷേകം ഫാൻസിന്‍റെ ജീവന് തന്നെ ഭീഷണിയായിരിക്കുകയാണ് തമിഴ്നാട്ടിൽ.
തമിഴ് സൂപ്പര്‍താരം അജിത്തിന്റെ പുറത്തിറങ്ങിയ പുതിയ ചിത്രം വിശ്വാസത്തിന്റെ ഒരു വലിയ കട്ടൗട്ടില്‍ കയറി പാലഭിഷേകം നടത്തുന്നവരാണ് അപകടത്തിൽ പെട്ടത്. കട്ടൗട്ടിന്‍റെ മുകളിലേക്ക് വലിഞ്ഞുകയറി പാല്‍ ഒഴിക്കുമ്പോഴാണ് കട്ടൗട്ട് ചരിഞ്ഞ് ഇവർ താഴേക്ക് വീണത്. സംഭവത്തിൽ മൂന്നിലേറെപേര്‍ക്ക് സാരമായ പരിക്കേറ്റിട്ടുണ്ടെന്നാണ് ലഭിക്കുന്ന വിവരം.
തമിഴ് സൂപ്പര്‍താരം അജിത്തിന്റെ പുറത്തിറങ്ങിയ പുതിയ ചിത്രം വിശ്വാസത്തിന്റെ ഒരു വലിയ കട്ടൗട്ടില്‍ കയറി പാലഭിഷേകം നടത്തുന്നവരാണ് അപകടത്തിൽ പെട്ടത്. കട്ടൗട്ടിന്‍റെ മുകളിലേക്ക് വലിഞ്ഞുകയറി പാല്‍ ഒഴിക്കുമ്പോഴാണ് കട്ടൗട്ട് ചരിഞ്ഞ് ഇവർ താഴേക്ക് വീണത്. സംഭവത്തിൽ മൂന്നിലേറെപേര്‍ക്ക് സാരമായ പരിക്കേറ്റിട്ടുണ്ടെന്നാണ് ലഭിക്കുന്ന വിവരം.