അംബാനി കുടുംബം കാത്തിരുന്ന മുഹൂര്‍ത്തം ഗോവന്‍ തീരത്ത്!

രാജ്യം മുഴുവന്‍ ഉറ്റുനോക്കുന്ന വിവാഹമാണ് റിലയന്‍സ് ചെയര്‍മാന്‍ മുകേഷ് അംബാനിയുടെയും നിത അംബാനിയുടെയും മൂത്ത മകന്‍ ആകാശ് അംബാനിയുടേത്. പ്രമുഖ രത്‌നവ്യാപാരി റസല്‍ മേത്തയുടെയും മോണയുടേയും മൂന്ന്‌ മക്കളില്‍ ഇളയവളായ ശ്ലോക മേത്തയെയാണ് ആകാശ് വിവാഹം കഴിക്കുന്നത്. ശനിയാഴ്ച വൈകുന്നേരം ആകാശ് ശ്ലോകയെ ഔദ്യോഗികമായി പ്രൊപ്പോസ് ചെയ്തു. ഗോവയിലായിരുന്നു ചടങ്ങ് എന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

മുകേഷ് അംബാനിയും അമ്മ കോകില ബെന്നും സന്നിഹിതരായിരുന്നു. വിവാഹ നിശ്ചയത്തിനു മുന്നോടിയായി ഫോട്ടോഷൂട്ടും നടന്നു.

ഈ വര്‍ഷം അവസാനത്തോടെ വിവാഹം നടക്കുമെന്നാണ് അനൗദ്യോഗിക റിപ്പോര്‍ട്ടുകള്‍.

റിലയന്‍സ് ജിയോയുടെ ചുമതലക്കാരനാണ് 26 വയസുകാരനായ ആകാശ് അംബാനി. റോസി ബ്ലൂ ഇന്ത്യയുടെ പ്രധാന ചുമതല വഹിക്കുന്നതില്‍ ഒരാള്‍ കൂടിയാണ് ശ്ലോക മേത്ത.ലണ്ടന്‍ സ്കൂള്‍ ഒഫ് ഇക്കണോമിക്സില്‍ നിന്ന് നിയമത്തില്‍ പിജി ബിരുദവും ഉണ്ട്. ധിരുബായ് അംബാനി ഇന്‍റര്‍നാഷ്ണല്‍ സ്കൂളില്‍ ഒരുമിച്ച് പഠിച്ചവരാണ് ആകാശും ശ്ലോകയും.