'ഉൗവാ ഉൗവാ' പ്രിയ വാര്യർക്ക് വീണ്ടും ട്രോൾമഴ

കണ്ണിറുക്കല്‍ രംഗത്തിലൂടെ ഹിറ്റായ പ്രിയാ വാര്യരുടെ തെലുങ്ക് പരസ്യം ട്രോളൻമാർ ഏറ്റെടുത്തു. തെലുങ്കിലെ യുവതാരവും നാഗാര്‍ജ്ജുനയുടെ മകനുമായ അഖില്‍ അക്കിനേനിക്കൊപ്പമാണ് പ്രിയാ വാര്യര്‍ പരസ്യത്തില്‍ പ്രത്യക്ഷപ്പെട്ടിരിക്കുന്നത്. സൗത്ത് ഇന്ത്യ ഷോപ്പിംഗ് മാളിന് വേണ്ടിയുള്ളതാണ് പരസ്യം. പരസ്യത്തിന് ഡിസ്‌ലൈക്കും ട്രോളുമാണ് കിട്ടിക്കൊണ്ടിരിക്കുന്നത്.

അഡാ‍ർ ലൗവിലെ പാട്ടിനും നിരവധി ഡിസലൈക്കുകളാണ് കിട്ടിയത്. പ്രിയയെ കളിയാക്കിയ കമൻ്റുകൾ വീഡിയോക്ക് താഴെയുണ്ട്. പരസ്യത്തിലെ ഡയലോഗായ ഊവാ എന്ന ഡയലോഗില്‍ പിടിച്ചാണ് ട്രോളുകൾ ഇറങ്ങിയിരിക്കുന്നത്.