'എറച്ചികഴിച്ചിട്ടെല്ലു വിളമ്പ്യാ കടിച്ചാ പൊട്ടോ പടച്ചോനേ'...'അൽ മലപ്പുറം' വൈറൽ

കശാപ്പ് നിരോധനം കേരളത്തിൽ വൻ പ്രതിഷേധങ്ങൾക്ക് വഴിവെച്ചപ്പോൾ ഒട്ടേറെ പേര്‍ നിരോധനത്തെ എതിർത്ത് രംഗത്തെത്തിയിരുന്നു. വ്യത്യസ്തമായ പല തരത്തിലുള്ള പ്രതിഷേധങ്ങളും സംസ്ഥാനത്ത് അരങ്ങേറി. അതിൽ നിന്ന് ഏറെ വേറിട്ടു നിന്ന ഒരു പ്രതിഷേധം ഇപ്പോൾ സാമൂഹ്യ മാധ്യമങ്ങളിൽ വൈറലാവുകയാണ്. 'അൽ മലപ്പുറം' എന്ന വീഡിയോയാണ് സാമൂഹ്യ മാധ്യമങ്ങളിൽ തരംഗമാകുന്നത്. ​ വീഡിയോയെയും ആശയത്തെയും പിന്തുണച്ച് നടൻ അനീഷ് ജി മേനോനും രംഗത്തെത്തിയിട്ടുണ്ട്.




മലപ്പുറത്തു നിന്നുള്ള ഒരു കൂട്ടം ചെറുപ്പക്കാരാണ് ഇതിന്‍റെ പിന്നണിയിൽ പ്രവര്‍ത്തിച്ചത്. ഇതിൽ നിരോധന രാഷ്ട്രീയത്തെയും വർഗീയ ധ്രുവീകരണത്തെയും ശക്തമായി എതിർക്കുന്നു. മലപ്പുറത്തെ കുറിച്ചുള്ള വാർപ്പ് മാതൃകകളെ ഈ വീഡിയോ പൊളിച്ചെഴുതുന്നുമുണ്ട്. അദ്ഭുതമാണീ മലപ്പുറം എന്നാണ് വീഡിയോ തലക്കെട്ടിന്‍റെ പൂര്‍ണ അര്‍ത്ഥം. ആഷിഖ് അയ്മര്‍ തയ്യാറാക്കിയ പ്രതിഷേധ വീഡിയോയിൽ മലപ്പുറത്തെ ഫുട്ബാളും ബീഫും മതേതരത്വവും വിഷയമാകുന്നു.




മലപ്പുറം ഭാഷയിൽ തന്നെയാണ് വീഡിയോയിലുള്ളവർ സംസാരിക്കുന്നത്. ഉള്ളും പള്ളേം നെറക്കാനാണെങ്കി ഇങ്ങട്ട് പോന്നോളീ, നേരെമറിച്ച് ഈടെള്ളോരെ സുഖവും സ്വൈര്യവും കെടുത്താനാണെങ്കി ഇജ്ജൊക്കെ പുഗ്ഗൊൽത്തും (നടക്കില്ല) എന്ന് പറഞ്ഞാണ് വീഡിയോ അവസാനിക്കുന്നത്.


al malappuram viral video

Al Malappuram Video Goes Viral in Youtube and social platforms