മഹാരാജാസ് കോളേജ് സാക്ഷി; അമർനാഥ് സഫ്നയെ താലിചാ‍ർത്തി

പ്രണയിച്ചു നടന്ന മഹാരാജാസിൽ വെച്ച് തന്നെ കല്യാണം... അതൊരു ഭാഗ്യമല്ലേ.. അങ്ങനൊന്ന് ഇന്ന് നടന്നു.. അമ‍ർനാഥും സഫ്നയുമാണ് ആ ഭാഗ്യമുള്ള പ്രണയജോഡികൾ... ക്യാമ്പസിന്റെ ചരിത്രത്തിൽ ഇത് ആദ്യത്തെ സംഭവമാണ്. ദൈവം എന്നൊന്നുണ്ടെങ്കിൽ അത് ഇവിടെയാണുള്ളത്. വിദ്യയാണല്ലോ വലിയ ദൈവം. അത് പറഞ്ഞ് കൊടുക്കുന്നിടമാണല്ലോ ദേവാലയം. കോളേജിൽ വെച്ച് വിവാഹം നടത്തിയതിന് അമർനാഥിന് പറയാനുള്ളതിതാണ്.

അമർ ബിഎ മലയാളം രണ്ടാം വർഷം പഠിച്ചു കൊണ്ടിരിക്കുമ്പോഴാണ് സഫ്ന ബി എ ഹിസ്റ്ററിക്ക് മഹാരാജാസിലെത്തുന്നത്. അന്നുമുതൽ ഇവരുടെ പ്രണയത്തിന് കൂട്ടായി മഹാരാജാസ് ഉണ്ട്. 29 ന് വിവാഹം രജിസ്റ്റർ ചെയ്തിരുന്നു.ബാംഗ്ലൂരിൽ 'കൾട്ട്' എന്ന സ്ഥാപനത്തിൽ വീഡിയോ എഡിറ്ററായി ജോലി ചെയ്യുന്ന അമർനാഥ് ചോറ്റാനിക്കര സ്വദേശിയാണ്. സഫ്ന ഫോർട്ട് കൊച്ചിക്കാരിയും. ഇരുവരുടേയും വീട്ടുകാരും ബന്ധുക്കളും സുഹൃത്തുക്കളും വിവാഹത്തിനെത്തിയിരുന്നു.