ഐശ്വര്യയുടെ ലിപ്‍‍സ്റ്റിക്: ബിഗ് ബി കരുതുന്നതെന്ത് ?

കാൻ ഫിലിം ഫെസ്റ്റിവലിൽ പർപ്പിൾ നിറത്തിലുള്ള ലിപ്‍‍സ്റ്റിക്കുമായെത്തിയ ഐശ്വര്യ സോഷ്യൽ മീഡിയയിലടക്കം വലിയ ചർച്ചയായിരുന്നു. എന്നാൽ മരുമകളെപ്പറ്റിയുള്ള ഇത്തരം ചർച്ചകളൊക്കെ ബിഗ് ബി കാണുന്നുണ്ടോ...ബോളിവുഡ് ലൈഫ് അമിതാഭ് ബച്ചനോട് ഇക്കാര്യം നേരിട്ട് തന്നെ ചോദിച്ചു. മറുപടി എന്താണെന്നോ ?

" ഇല്ല. സോഷ്യൽ മീഡിയയിലെ ഇത്തരം ചർച്ചകളൊന്നും ഞാൻ കണ്ടിട്ടല്ല. സോഷ്യൽ മീഡിയ ഓരോരുത്തർക്കും സ്വയം അഭിപ്രായം പ്രകടിപ്പിക്കാൻ അവസരം നൽകുന്നുണ്ട്. മുൻ‍‍പ് മറ്റുള്ളർ‍ എന്താണ് നിങ്ങളെപ്പറ്റി കരുതുന്നത് എന്നൊന്നും അറിയാൻ കഴിയുമായിരുന്നില്ല. എന്നാൽ ഇപ്പോൾ അതിന് കഴിയും. എന്നാൽ ഇത് വളരെ നൈമിഷികമാണ്. അടുത്ത ദിവസം എന്തെങ്കിലും പുതിയ കാര്യം വരുമ്പോൾ ആളുകൾ ഐശ്വര്യയുടെ ലിപ്‍‍സ്റ്റിക് വിട്ട് അതിന് പിന്നാലെ പോകും. സോഷ്യൽ മീഡിയ എല്ലാവരോടും ജനാധിപത്യപരമായി പെരുമാറുന്നു. എല്ലാവർ‍ക്കും അഭിപ്രായം പറയാൻ അവസരം നൽകുന്നു. അതിൽ എന്താണ് തെറ്റ് "?എന്ത് നല്ല അമ്മായിഅച്ഛൻ അല്ലേ... ???