സോഷ്യൽ മീഡിയയിൽ കബാലി ആരാധകരുടെ മനം കവര്ന്ന് വൈറലാകുകയാണ് രണ്ടാം ക്ലാസ്സിലെ ഒരു ഉത്തരപ്പേപ്പര്. രണ്ടാം ക്ലാസിലെ പരീക്ഷയിൽ അക്ഷരം ക്രമപ്പെടുത്തി വാക്കുകളുണ്ടാക്കാനുള്ള ചോദ്യത്തിന് ഉത്തരമായി കബാലി എത്തിയിരിക്കുന്നത് കണ്ട് ടീച്ചര്മാര് ആദ്യം ഞെട്ടി. കൗതുകം തോന്നിയ ടീച്ചര് ഇതിൻ്റെ ചിത്രം പകര്ത്തി ഗ്രൂപ്പിലിട്ടതോടെ അത് പൊടുന്നനെ പടര്ന്നു. ക, ലി, ബാ എന്നീ അക്ഷരങ്ങൾ ക്രമപ്പെടുത്താനായിരുന്നു ചോദ്യം. ബാലിക എന്നാണ് അധികൃതര് ഉദ്ദേശിച്ചിരുന്ന യഥാര്ത്ഥ ഉത്തരം. എന്നാല് കുട്ടി എഴുതിരിക്കുന്നതാവട്ടെ കബാലി എന്നും. എന്നാല് ടീച്ചര് ഈ ഉത്തരത്തിന് നേരെ തെറ്റെന്ന് രേഖപ്പെടുത്തിയിട്ടില്ല. പകരം വൃത്തത്തില് അടയാളപ്പെടുത്തുകയും അടുത്ത് തന്നെ ബാലിക എന്ന് എഴുതിച്ചേര്ക്കുകയുമാണ് ചെയ്തിട്ടുള്ളത്.
ടീച്ചര് ഇതിന് മാര്ക്ക് നൽകണമെന്നും ടീച്ചര് ഉദ്ദേശിക്കുന്നതിനാകരുത് മാര്ക്ക് നൽകേണ്ടതെന്നും കുട്ടിയുടെ ഭാവനാശക്തിക്കായിരിക്കണമെന്നും അടക്കമുള്ള കമൻ്റുകളാണ് പലരും കുറിക്കുന്നത്. ഏതായാലും ഈ ഉത്തരപ്പേപ്പറിൻ്റെ ഉടമയെ കണ്ടെത്താനുള്ള നെട്ടോട്ടത്തിലാണ് സൈബര്ലോകം.
ടീച്ചര് ഇതിന് മാര്ക്ക് നൽകണമെന്നും ടീച്ചര് ഉദ്ദേശിക്കുന്നതിനാകരുത് മാര്ക്ക് നൽകേണ്ടതെന്നും കുട്ടിയുടെ ഭാവനാശക്തിക്കായിരിക്കണമെന്നും അടക്കമുള്ള കമൻ്റുകളാണ് പലരും കുറിക്കുന്നത്. ഏതായാലും ഈ ഉത്തരപ്പേപ്പറിൻ്റെ ഉടമയെ കണ്ടെത്താനുള്ള നെട്ടോട്ടത്തിലാണ് സൈബര്ലോകം.