Viral Video: ഗോൾ കീപ്പറായി എത്തിയ നായയുടെ കിടിലൻ സേവ്

ബ്യൂണസ് എെറിസ്: അർജൻറീനയിൽ താരമായി ഒരു നായ ഗോൾകീപ്പർ. രാജ്യത്തെ മൂന്നാം ഡിവിഷൻ ലീഗ് മത്സരത്തിനിടെയാണ് രസകരമായ സംഭവമുണ്ടായത്. ഗ്രൗണ്ടിലേക്ക് പെട്ടെന്ന് ഓടിയെത്തിയ ഒരു തെരുവ് നായ ഗോൾ തടുത്തിട്ടു. ഇതിൻെറ വീഡിയോ സോഷ്യൽ മീഡിയയിൽ വൈറലാവുകയാണ്.

യുവെന്റ്യുഡ് ഉനിഡയും ഡിഫന്‍സോറെസ് ഡി ബെല്‍ഗ്രാനോയും തമ്മിൽ നടന്ന മത്സരത്തിനിടെയാണ് സംഭവം. ഡിഫന്‍സോറെസ് ഗോൾ കീപ്പർ പന്ത് ക്ലിയർ ചെയ്യാൻ ശ്രമിച്ചത് അബദ്ധത്തിൽ കലാശിച്ചു. എതിർതാരത്തിൻെറ കാലിൽ തട്ടി പന്ത് വീണ്ടും ഗോൾ പോസ്റ്റിലേക്ക്.

ഗോളെന്നുറപ്പിച്ച് നിൽക്കുമ്പോഴാണ് അത് വഴിയെത്തിയ നായ പന്ത് തടുത്തിട്ടത്. ഇതോടെ ആ ഗോളും അനുവദിക്കപ്പെട്ടില്ല.