ബിബിസി അവതാരകനോട് പൊട്ടിത്തെറിച്ച് കെജ്രിവാള്‍

ന്യൂഡൽഹി: നോട്ട് പ്രതിസന്ധിയെക്കുറിച്ചുള്ള ബിബിസി ഹിന്ദിയുടെ അവതാരകന്‍റെ ചോദ്യം ഡൽഹി മുഖ്യമന്ത്രി അരവിന്ദ് കെജ്രിവാളിനെ ചൊടിപ്പിച്ചു.നോട്ടു പ്രതിസന്ധിയെ തുടർന്ന് ബാങ്കുകളുടെ മുൻപിൽ ക്യൂ നിന്നും നോട്ട് ലഭിക്കാതെയും മറ്റും 55 പേർ മരിച്ചുവെന്നുള്ളത് എങ്ങനെ തെളിയിക്കാന്‍ കഴിയുമെന്നായിരുന്നു അവതാരകന്‍റെ ചോദ്യം.

അവരുടെ മരണത്തെ നോട്ട് പ്രതിസന്ധിയുമായി ബന്ധപ്പെടുത്താൻ കെജ്രിവാളിന് എങ്ങനെ കഴിയുമെന്നും അവതാരകൻ ചോദിച്ചു. അവതാരകന്‍റെ ചോദ്യം കേട്ട കെജ്രിവാൾ ക്ഷുഭിതനാകുകയും ബിബിസിയും അവതാരകനും അഴിമതിക്ക് കൂട്ട് നിൽക്കുന്നവരാണെന്ന് കുറ്റപ്പെടുത്തുകയും ചെയ്തു. ബിബിസിയുടെ സത്യസന്ധമായ മാധ്യമപ്രവർത്തനം ഇതാണോയെന്ന്‌ വ്യക്തമാക്കണമെന്നും കെജ്രിവാൾ ആവശ്യപ്പെട്ടു.

Arvind Kejriwal calls BBC corrupt for questioning charge against demonetisation