ബ്രിട്ടാസിന്റെ മറുപടി സ്വീകരിക്കുന്നു: ആഷിഖ് അബു

വിമര്‍ശനങ്ങള്‍ക്ക് ജോണ്‍ ബ്രിട്ടാസ് നല്‍കിയ മറുപടി ബഹുമാനപൂര്‍വ്വം സ്വീകരിക്കുന്നതായി നടന്‍ ആഷിഖ് അബു. പരിപാടിയുടെ എഡിറ്റിംഗില്‍ ഉറപ്പായും ഇടപെടണമെന്നും ആഷിഖ് ആവശ്യപ്പെട്ടു. ബ്രിട്ടാസിന്റെ വിശദീകരണ കുറിപ്പ് ഷെയര്‍ ചെയ്തുകൊണ്ടാണ് ആഷിഖ് തന്റെ മറുപടി നല്‍കിയിരിക്കുന്നത്.

ബ്രിട്ടാസ് അവതരിപ്പിച്ച ജെബി ജംഗ്ഷനില്‍ സാം മാത്യു ചൊല്ലിയ പടര്‍പ്പ് എന്ന കവിതയുടെ പേരിൽ വൻ വിമ‍ർശനങ്ങളാണ് ബ്രിട്ടാസിന് നേരെ ഉണ്ടായത്. ആഷിഖ് അബുവും വിമര്‍ശനവുമായി രംഗത്തെത്തിയിരുന്നു. “എല്ലാ വിധത്തിലും ആക്രമിക്കപ്പെട്ട ഇര ഇനി നിന്നെയൊക്കെ പ്രേമിക്കണം അല്ലേടാ വിഡ്ഢികവി. ബ്രിട്ടാസ്, മാനസിക രോഗികളുടെ ആത്മാവിഷ്‌കാരം ഇനിയും കൈരളിയില്‍ നിന്നും ഈ ജനത പ്രതീക്ഷിക്കുന്നു”. ഇതായിരുന്നു ആഷിഖിൻെറ പോസ്റ്റ്. പരിപാടിയും വിവാദമായ പശ്ചാത്തലത്തില്‍ ബ്രിട്ടാസ് വിശദീരണവുമായി രംഗത്തെത്തിയിരുന്നു.