രണ്ടാം ക്ലാസ്സില്‍ കുട്ടികള്‍ പഠിക്കുന്നത്? ആഷിഖിന്‍റെ പോസ്റ്റ്

കൊച്ചി: ഭരണഘടനാ വിരുദ്ധമായ സിലബസിന്‍റെ പേരില്‍ കൊച്ചിയിലെ പീസ് ഇന്‍റര്‍നാഷണല്‍ സ്കൂള്‍ അന്വേഷണം നേരിടുന്നതിനിടെ, സ്കൂളിന്‍റെ പാഠപുസ്തകത്തിലേതെന്നു വിശ്വസിക്കുന്ന ഒരു പേജ് സംവിധായകന്‍ ആഷിഖ് അബു ഫേസ്ബുക്കില്‍ ഷെയര്‍ ചെയ്‍തു.

എന്നാല്‍ ഇത് പീസ് സ്കൂളിന്‍റെ പാഠപുസ്തകമാണെന്ന് പോസ്റ്റില്‍ പരാമര്‍ശിച്ചിട്ടില്ല. "രണ്ടാം ക്ലാസ്സിൽ കുട്ടികൾ പഠിക്കുന്ന കാര്യങ്ങൾ അത്ര പന്തിയല്ല." എന്നു മാത്രമാണ് പോസ്റ്റില്‍ കുറിച്ചിട്ടുള്ളത്. പാഠ പുസ്തകത്തില്‍ ഇംഗ്ലീഷില്‍ കൊടുത്തിരിക്കുന്ന ചോദ്യം "നിങ്ങളുടെ അടുത്ത സുഹൃത്തുക്കളായ ആയ ആദം/ സൂസൻ മുസ്ലീമാകാൻ താൽപര്യപ്പെടുന്നു എന്നിരിക്കട്ടെ. താഴെ കൊടുത്തിരിക്കുന്നവയിൽ ഏത് ഉപദേശം ആണ് നിങ്ങൾ അവർക്ക് നൽകുക?" എന്നതാണ്. തെരഞ്ഞെടുത്ത് എഴുതാന്‍ ഇതിന് അഞ്ച് ഉത്തരങ്ങളും നല്‍കിയിരിക്കുന്നു. "അവൻ/ അവൾ അഹമ്മദ് എന്നോ സാറ എന്നോ പെട്ടെന്ന് പേര് മാറ്റണം", "അവൻ/ അവൾ ഒരു കുരിശുമാല ധരിച്ചിരിക്കുന്നു. അത് മാറ്റിക്കണം", "ശഹാദത്ത് പഠിപ്പിക്കും", "അവരുടെ മാതാപിതാക്കൾ മുസ്ലീങ്ങൾ അല്ലാത്തതിനാൽ വീട്ടിൽ നിന്നും ഓടിപ്പോകാൻ പറയും", "ഹലാൽ കോഴിയിറച്ചി തിന്നാൻ പറയും" ഇതെല്ലാമാണ് ഉത്തരങ്ങള്‍.

ആഷിഖിന്‍റെ ഫേസ്ബുക്ക് പോസ്റ്റ് താഴെ-