'ബാഹുബലി- 2' ക്ലൈമാക്‌സ് ചിത്രങ്ങള്‍ പുറത്തായി

പ്രേക്ഷകര്‍ക്ക് വിസ്മയം ഒരുക്കി കാത്തിരിക്കുകയാണ് ബാഹുബലിയുടെ രണ്ടാം ഭാഗം. എന്തായാലും അവസാനഘട്ടത്തിലാണ് 'ബാഹുബലി ദ കണ്‍ക്ലൂഷന്‍'. അതീവരഹസ്യമായി ചിത്രീകരിക്കുന്ന സിനിമയുടെ ലൊക്കേഷന്‍ ചിത്രങ്ങള്‍ പോലും പുറത്തു വന്നിരുന്നില്ല.
യൂണിറ്റ് അംഗങ്ങള്‍ പോലും ലൊക്കേഷനില്‍ മൊബൈല്‍ ഫോണ്‍ ഉപയോഗിക്കരുതെന്ന കര്‍ശന നിബന്ധനയോടെയാണ് സംവിധായകന്‍ സിനിമ ചിത്രീകരിച്ചിരുന്നത്. എന്നാല്‍ ഇപ്പോള്‍ സിനിമയുടെ ലൊക്കേഷനില്‍ നിന്നും പ്രധാനപ്പെട്ട ചില ചിത്രങ്ങള്‍ സോഷ്യല്‍ മീഡിയയിലൂടെ ലീക്കായി പുറത്തു വന്നിരിക്കുകയാണ്. വലിയൊരു ഗ്രാനൈറ്റ് ക്വാറിയിലായിരുന്നു ചിത്രത്തിന്റെ ക്ലൈമാക്‌സ് രംഗങ്ങള്‍ ഷൂട്ട് ചെയ്തത്.



.


അടുത്ത വര്‍ഷം ഏപ്രില്‍ 28നാണ് 'ബാഹുബലി 2' റിലീസിനെത്തുന്നത്. അനുഷ്‌ക ഷെട്ടിയും പ്രഭാസുമാണ് ചിത്രത്തില്‍ പ്രധാന വേഷത്തിലെത്തുന്നത്.

'ബാഹുബലി'യുടെ രണ്ടാം ഭാഗം ഒരുങ്ങുമ്പോൾ അതും മറ്റൊരു വിസ്മയമാകുമെന്നാണ് പ്രതീക്ഷിക്കപ്പെടുന്നത്. ബാഹുബലിയുടെ അണിയറയിൽ നിന്ന് പുറത്തുവരുന്ന വാർത്തകളും അതുതന്നെയാണ് സൂചിപ്പിക്കുന്നത്. രണ്ടാം ഭാഗത്തിന്റെ ക്ലൈമാക്‌സിനു മാത്രമായി 30 കോടി രൂപയാണ് ചെലവാക്കുന്നത്.


English Summary: A couple of photographs from a shoot of director SS Rajamouli’s Baahubali 2 have been leaked online