ജനിച്ചപ്പോൾ തന്നെ തലനിറയെ മുടി; ഇവൾ അത്ഭുതം

ജനിക്കുമ്പോൾ തന്നെ കുട്ടികളുടെ മുടി ചർച്ചയാകുന്നത് ഒരു അപൂർവ്വതയാണ്. കാരണം മിക്ക കുഞ്ഞുങ്ങൾക്കും തലയിൽ പൊടിക്ക് മുടിയേ ഉണ്ടാകാറുള്ളൂ. പക്ഷേ നെറ്റ് ലോകം ഇപ്പോൾ ചർച്ചചെയ്യുന്നത് ഈ മിടുക്കികുട്ടിയുടെ മുടിയെപറ്റിയാണ്. സാൻഫ്രാൻസിസ്കോയിലെ ഇസബെൽ എന്ന ഈ സുന്ദരിക്കുട്ടിക്ക് രണ്ടരമാസമാണ് പ്രായം. പക്ഷേ ഇതിനകം മുതിർന്നവരുടേതിന് സമാനമായ മുടിയായി കഴിഞ്ഞു. ജനിച്ചപ്പോൾ തന്നെ കൃത്യമായി വെട്ടിയൊതുക്കിയ മുടിയുമായിട്ടായിരുന്നു ഇവൾ പിറന്നുവീണത്.



മകളുടെ അസാധാരണമായ മുടിവളർച്ച അമ്മ മക്കെൻസി കപ്ലാനാണ് സോഷ്യൽമീഡിയയിൽ പങ്കുവെച്ചത്. ഇതോടെ ലൈക്കുകളും കമന്റുകളും തുടങ്ങി. അച്ഛൻ ഡേവിന്‍റെ സുഹൃത്തുക്കളും ബന്ധുക്കളുമൊക്കെ കാര്യം ലോകം മുഴുവനെത്തിച്ചു. ദിവസങ്ങൾക്കകം 30 ലക്ഷം പേർ ഈ മുടി കണ്ടുകഴിഞ്ഞു. ബേബി വിത്ത് പെർഫെക്ട് ഹെയർ എന്ന വിശേഷണവും ഇസബെല്ലിന് ലഭിച്ചു. ഹോളിവുഡ് താരങ്ങൾക്ക് ഇസബെല്ലിന്‍റെ മുഖം വെട്ടിചേർത്തുള്ള ഫോട്ടോഷോപ്പ് ചിത്രങ്ങളും നെറ്റിൽ വൈറലായിരിക്കുകയാണ്.