42,000 അടി ഉയരത്തില്‍ കുഞ്ഞ് ജനിച്ചു

ഗിനിയ: 42,000 അടി ഉയരത്തില്‍ പറക്കവെ യുവതിക്ക് വിമാനത്തില്‍ സുഖപ്രസവം. ടര്‍ക്കിഷ് എയര്‍ലൈന്‍സിലാണ് യുവതിയുടെ പ്രസവപരിചരണം ഏറ്റെടുത്ത് വിമാനജീവനക്കാര്‍ മാതൃകയായത്.
ഇസ്താംബൂളിലേക്കുള്ള യാത്രക്കിടയിലാണ് വിമാനത്തില്‍ അപ്രതീക്ഷിതമായി ഒരു കുഞ്ഞ് അതിഥി എത്തിയത്.

28 ആഴ്ച ഗര്‍ഭിണിയായിരുന്ന നാഫി ദിയാബിക്കാണ് ഗിനിയയുടെ തലസ്ഥാനമായ കൊണാര്‍ക്കിയില്‍ നിന്നും ആരംഭിച്ച വിമാനം യാത്ര ആരംഭിച്ചപ്പോള്‍ പ്രസവവേദന ഉണ്ടായത്. തുടര്‍ന്നു വിമാനജീവനക്കാരും സഹയാത്രികരും യുവതിയുടെ സഹായത്തിനെത്തി. വിമാനത്തില്‍ ജനിച്ച കുഞ്ഞിന് ഖദീജു എന്നു പേരുമിട്ടു. തുടര്‍ന്ന് ബുര്‍കിനാ ഫാസോ തലസ്ഥാനത്ത് വിമാനം ലാന്റ് ചെയ്തശേഷം കുഞ്ഞിനെയും മാതാവിനെയും ആശുപത്രിയിലേക്കു മാറ്റി. ഇരുവരും സുഖമായിരിക്കുന്നുവെന്ന് ടര്‍ക്കിഷ് എയര്‍ലൈന്‍സ് അറിയിച്ചു. ട്വിറ്ററിലൂടെ എയര്‍ലൈന്‍സ് തന്നെയാണ് വിവരം പുറത്തുവിട്ടത്.


baby on board: turkish airlines crew help woman deliver baby at 42,000 feet


A Turkish Airlines flight cabin crew helped a woman deliver a baby mid-air and are now being praised by people from across the world.