ബോബ്‍ മാര്‍ലിയുടെ 'നോ വുമണ്‍ നോ ക്രൈ' അറബികള്‍ പാടിയാല്‍?

പാട്ടും പോരാട്ടവും ജീവിതമാക്കിയ ജമൈക്കന്‍ ഗായകന്‍ ബോബ് മാര്‍ലിയുടെ സംഗീതം കടമെടുത്ത് ബഹ്‍റൈനില്‍ നിന്നുള്ള ഒരു സംഗീതസംഘം.

സ്ത്രീ സ്വാതന്ത്ര്യത്തെക്കുറിച്ചുള്ള മാര്‍ലിയുടെ ഗാനമായ 'നോ വുമണ്‍ നോ ക്രൈ' ആണ് ബഹ്‍റൈനില്‍ നിന്നുള്ള അറബികള്‍ പാടിയത്. ഇത് സോഷ്യല്‍ മീഡിയയില്‍ ഹിറ്റായി.

പ്രശംസകള്‍ക്കൊപ്പം വിമര്‍ശനങ്ങളും ഈ പാട്ട് ഏറ്റുവാങ്ങുകയാണ്. സ്ത്രീ സ്വാതന്ത്ര്യത്തെക്കുറിച്ചുള്ള റെഗ്ഗെ ഗാനം പാടുന്ന മിഡില്‍ ഈസ്റ്റിലുള്ളവര്‍ സ്ത്രീകള്‍ക്ക് എത്രമാത്രം അവകാശങ്ങള്‍ നല്‍കുന്നുണ്ടെന്നതാണ് ചോദ്യം.

ബഹ്‍റൈന്‍ സംഗീതജ്ഞൻ മൊഹമ്മദ് അല്‍-ബക്രിയാണ് ഈ പ്രകടനം നടത്തുന്നത്. പരമ്പരാഗത അറബ് വേഷമിട്ട യുവാക്കള്‍ സംഗീത ഉപകരണങ്ങളുമായി പാട്ടുപാടുന്നു. റെഗ്ഗേ താളത്തില്‍ തന്നെയാണ് പാട്ട്. അകമ്പടിയായി ബഹ്‍റൈനിലെ സംഗീത ഉപകരണങ്ങളുമുണ്ട്.



1974ല്‍ ആണ് ബോബ്‍ മാര്‍ലിയുടെ ഈ ഗാനം പുറത്തിറങ്ങുന്നത്. ഒരു സ്ത്രീയും കരയരുത് എന്ന അര്‍ഥത്തിലാണ് ഈ പാട്ടിന്‍റെ വരികള്‍. അവകാശങ്ങള്‍ നേടാനുള്ള പോരാട്ടത്തിന് ശുഭപ്രതീക്ഷയാണെന്നും പാട്ട് പ്രവചിക്കുന്നുണ്ട്.