പരിചയമുണ്ടോ; 'ബാത്ത് ടബ്ബി'ലെ മലയാളിയെ?

മലയാളി ഒരു ആഗോള പ്രതിഭാസമാണെന്ന് പൊതുവെ പറയാറുണ്ട്. എന്തിലും അഭിപ്രായം പറയുന്ന, എന്നാല്‍ ചുറ്റുമുള്ള ഒന്നിനോടും പ്രതികരിക്കാത്ത ഒരു സമൂഹം.

മലയാളിയുടെ നാട്യങ്ങളെക്കുറിച്ച് മലയാളിക്ക് തന്നെ അറിയാം എന്നത് മറ്റൊരു കാര്യം.

വാട്ട്സാപ്പ് യുഗത്തില്‍ മലയാളിയുടെ മാനസികാവസ്ഥയും മനോവിചാരങ്ങളും പകര്‍ത്താന്‍ ശ്രമിക്കുകയാണ് 'ബാത്ത് ടബ്' എന്ന ഹ്രസ്വചിത്രം. ഒറ്റ കഥാപാത്രത്തിലൂടെ മലയാളി പുരുഷന്‍റെ രതിയും , കാമനയും, രാഷ്ട്രീയവും, അരാഷ്ട്രീയതയും, സഹാനുഭൂതിയും വിവരിക്കുകയാണ് ഈ 14 മിനിറ്റ് ഹ്രസ്വചിത്രം.

ഇതിനോടകം 10,000ല്‍ അധികം തവണ യൂട്യൂബില്‍ വീഡിയോ കണ്ടു കഴിഞ്ഞു.

സോഷ്യൽ മീഡിയയിലും യാഥാർഥ ലോകത്തും സമാന്തരമായി ജീവിക്കുന്ന ഒരു ചെറുപ്പക്കാരനിൽ ഇവ രണ്ടും ഒന്നാകുന്ന സന്ദർഭമാണ് ചിത്രത്തിന്‍റെ പ്രമേയമെന്ന് സംവിധായകന്‍ അജി ആനന്ദ്. ചിത്രത്തിന്‍റെ തിരക്കഥ എഴുതിയത് അജി ആനന്ദും, താനിയ കെ ലീലയും ചേര്‍ന്നാണ്.

ബാത്ത് ടബ് കാണാം...