ഖത്തര്‍ എയര്‍വേസിലും ഭിക്ഷാടനം; വീഡിയോ കാണാം

ദോഹയില്‍ നിന്നും ഷിറാസിലേക്കുള്ള ഖത്തര്‍ എയര്‍വേസ് വിമാനത്തില്‍ കയറിയ ഭിക്ഷക്കാരന്‍ പണം പിരിക്കുന്ന ദൃശ്യങ്ങള്‍ വൈറലാകുന്നു. എയർ ഹോസ്റ്റസ് തടയാന്‍ ശ്രമിച്ചപ്പോള്‍ ഇയാളെ പണം നല്‍കി സഹായിക്കാന്‍ യാത്രക്കാരായ ചിലർ മുന്നോട്ടുവരികയായിരുന്നു.. ഒരു പ്ലാസ്റ്റിക് കവർ കൈയില്‍ പിടിച്ചാണ് മധ്യവയസ്‌കനായ ഒരാള്‍ വിമാനത്തില്‍ ഭിക്ഷയാചിച്ചത്.



ഇയാള്‍ക്ക് പണം കൊടുക്കരുതെന്നും സീറ്റുകളില്‍ ഇരിക്കണമെന്നും യാത്രക്കാരോട് വിമാന ജീവനക്കാര്‍ ആവര്‍ത്തിച്ച്‌ ആവശ്യപ്പെടുന്നതും വീഡിയോയിൽ കാണാം. ഇതിനെ തുടര്‍ന്ന് വിമാനം പുറപ്പെടാന്‍ വൈകി. ഈ ദൃശ്യം ചില യാത്രക്കാര്‍ പകര്‍ത്തി സോഷ്യല്‍ മീഡിയയില്‍ ഇട്ടതോടെ ഏറെ ശ്രദ്ധനേടിയിരിക്കുകയാണ്. വിമാനത്തില്‍ പണം പിരിച്ച ആള്‍ ഇറാന്‍ കാരനാണെന്നാണ് പ്രാഥമിക നിഗമനം. ഇയാള്‍ യാത്രക്കാരനാണോ അതോ പണം പിരിക്കുന്നതിനായി മാത്രം വിമാനത്തിലെത്തിയതാണോ എന്നതിൽ വ്യക്തതയില്ല. ഖത്തർ എയർവേസ് അധികൃതർ ഇതേക്കുറിച്ച് പ്രതിരിച്ചിട്ടുമില്ല.