'ഋതുമതിയെ അചാരമതിലാൽ തടഞ്ഞിടും ആര്യ വേദസല്ലിതയ്യൻ' - ഭക്തിഗാനവുമായി ബിജിബാൽ

ശബരിമല യുവതി പ്രവേശനവുമായി ബന്ധപ്പെട്ട ചർച്ചകൾ പുരോഗമിക്കവേ അയ്യപ്പ ഭക്തിഗാനവുമായി സംഗീത സംവിധായകൻ ബിജിപാൽ. 'ഋതുമതിയെ അചാരമതിലാൽ തടഞ്ഞിടും ആര്യ വേദസല്ലിതയ്യൻ' എന്ന വരികൾ അടങ്ങിയ ഗാനം സോഷ്യൽ മീഡിയയിൽ ചർച്ചയാവുകയാണ്. ഹരിനാരായണൻ ആണ് ഗാനത്തിൻെറ വരികൾ എഴുതിയിരിക്കുന്നത്.

തൃശ്ശൂരില്‍ നടക്കുന്ന ജനാഭിമാന സദസില്‍ വെച്ച് അധ്യാപകനും പ്രാസംഗികനുമായ സുനില്‍ പി ഇളയിടമാണ് ഗാനം പുറത്തുവിട്ടത്. ‘നീ തന്നെയാണു ഞാനെന്നോതി നില്‍ക്കുന്ന കാനന ജ്യോതിയാണയ്യന്‍’ എന്ന വരികളോടെയാണ് ഗാനം തുടങ്ങുന്നത്. സംഗീത സംവിധാനം നിർവഹിച്ചിരിക്കുന്നതും ഗാനം ആലപിച്ചിരിക്കുന്നതും ബിജിപാൽ തന്നെയാണ്.

''ഇരുമുടിയിലല്ല നിൻ ഹൃദയത്തിലാണെൻെറ ഗിരിമുടിയതെന്നോതുമയ്യൻ'' എന്നും ഭക്തിസാന്ദ്രമായ ഗാനത്തിൽ പറയുന്നു.