വൈറലായി സവാള തിന്നുന്ന മൂർഖൻ

സവാള വിഴുങ്ങിയ മൂർഖൻ പാമ്പാണ് ഇപ്പോൾ വാർത്തകളിൽ ഇടംതേടിയിരിക്കുന്നത്. ചെറു ജീവികളെയും ഉരഗങ്ങളെയുമൊക്കെ ഭക്ഷിച്ച് ജീവിക്കുന്ന മൂര്‍ഖന്‍ സവാള വിഴുങ്ങി എന്ന് പറഞ്ഞാല്‍ ആർക്കെങ്കിലും വിശ്വസിക്കാനാകുമോ. എന്നാൽ സംഗതി ശരിയാണ്. ഒന്നും രണ്ടുമല്ല, പതിനൊന്ന് സവാളകളാണ് മൂർഖൻ വിഴുങ്ങിയത്. ഒഡീഷയിലെ ഒരു ഗ്രാമത്തിലാണ് സംഭവം.


ഒഡീഷയിലെ ചെണ്ടിപ്പഡ ഗ്രാമവാസിയായ ശുശാന്ദ് ബഹ്റയുടെ വീട്ടിൽ നിന്നാണ് മൂർഖനെ പിടികൂടിയത്. വീട്ടുകർ വിവരമറിയിച്ചതിനെ തുടർന്ന് എൻജിഒ സംഘത്തിലെ പാമ്പു പിടുത്ത വിദഗ്ദ്ധർ എത്തി പാമ്പിനെ പിടികൂടുകയായിരുന്നു. പാമ്പിനെ തല കീഴായി പിടിച്ചപ്പോഴാണ് വായിൽ നിന്നും ഒന്നിനു പുറകെ ഒന്നായി സവാളകൾ പുറത്തേക്ക് വന്നത്. കൂട്ടത്തിൽ ഒരു തവളയും ഉണ്ടായിരുന്നു.

ഇരകളെയൊന്നും കിട്ടാതായപ്പോൾ വിശപ്പ് സഹിക്കവയ്യാതെ സവാളകൾ വിഴുങ്ങിയകതാകാം എന്നാണ് നാട്ടുക്കാർ പറയുന്നത്. സാധാരണയായി പഴങ്ങളും പച്ചക്കറികളും പാമ്പുകൾ ഭക്ഷിക്കാറില്ല. ഗതി കെട്ടാൽ പുലി പുല്ലും തിന്നും എന്നു കേട്ടിട്ടുണ്ട്, എന്നാൽ ഒരു മൂർഖൻ സവാള ഭക്ഷിക്കുന്നത് ഇത് ആദ്യമായിട്ടാണ്.