ഇയാള്‍ക്കെതിരെ കേസെടുക്കാനാകില്ലേ..!

തിരുവനന്തപുരം: പൂഞ്ഞാർ എംഎൽഎ പിസി ജോ‍ർജിനെതിരെ കേസെടുക്കണമെന്ന് ബോളിവുഡ് താരം രവീണ ടണ്ടൻ. ഇയാള്‍ക്കെതിരെ കേസ് എടുക്കാന്‍ കഴിയില്ലേ എന്നാണ് രവീണ ട്വീറ്റിലൂടെ ചോദിച്ചത്. മനേക ഗാന്ധിയെ മെന്‍ഷന്‍ ചെയ്തുകൊണ്ടായിരുന്നു രവീണയുടെ ട്വീറ്റ്.


'വനിതാ കമ്മീഷന്‍ സംഭവത്തില്‍ ഇടപെടണം. ആക്രമിക്കപ്പെട്ട വ്യക്തിയുടെ ശബ്ദം അടിച്ചമര്‍ത്താനുള്ള വ്യക്തമായ ശ്രമമാണ് ഇത്. ഇയാള്‍ക്കെതിരെ കേസെടുക്കാനാകില്ലേ' എന്നും രവീണ ട്വിറ്ററില്‍ കുറിച്ചു. ജോർജിൻ്റെ പരാമർശങ്ങൾ‌ക്കെതിരെ പ്രതിഷേധം വ്യാപകമാവുകയാണ്.

എന്നാൽ താൻ ഉന്നയിച്ച പരാമർശങ്ങളിൽ ഉറച്ചുനിൽക്കുകയാണെന്ന് വ്യക്തമാക്കി പി.സി ജോർജും രംഗത്ത് വന്നിട്ടുണ്ട്. ജോര്‍ജിനെതിരെ നിയമനടപടിക്കൊരുങ്ങി ദേശീയ വനിതാ കമ്മീഷനും രംഗത്തെത്തിയിട്ടുണ്ട്. പി.സി ജോര്‍ജ് മുഴുവന്‍ നിയമസഭാ സാമാജികര്‍ക്കും അപമാനമാണെന്ന് ദേശീയ വനിതാ കമ്മീഷന്‍ അധ്യക്ഷ രേഖ ശര്‍മ പറഞ്ഞു