ഹോം വർക്ക് ചെയ്തില്ല; 10 വയസുകാരനെ അച്ഛൻ കുരിശിലേറ്റി

ചൈന: ഹോം വർക്ക് ചെയ്യാൻ മടികാണിച്ചതിന് പത്ത് വയസുകാരനായ മകനെ അച്ഛൻ പരസ്യമായി കുരിശിലേറ്റി. ചൈനയിലെ ചോങ്കിംഗ് മുനിസിപ്പാലിറ്റിയിലാണ് സംഭവം. നാല് മണിക്കൂറോളം കുരിശിൽ കിടന്ന കുട്ടി ഹോം വർക്ക് ചെയ്യാമെന്ന് സമ്മതിച്ച ശേഷമാണ് അച്ഛൻ കുട്ടിയെ വിട്ടയച്ചത്.



കച്ചവടക്കാരനായ പിതാവ് തന്റെ കടയ്ക്ക് മുമ്പിലുള്ള കുരിശിലാണ് കുട്ടിയെ കെട്ടിയിട്ടത്. കൈകൾ വിരിച്ച് മുട്ടുകുത്തി പ്ലാസ്റ്റിക് പെട്ടിയുടെ മുകളിലാണ് കുട്ടിയെ ഇയാൾ മണിക്കൂറുകളോളം നിർത്തിയത്. കുട്ടി വാവിട്ട് കരയാൻ തുടങ്ങിയതോടെ നാട്ടുകാർ പൊലീസിൽ പരാതി നൽകുകയായിരുന്നു. തുടർച്ചയായി കുട്ടി ഹോം വർക്ക് ചെയ്യാതെ ക്ലാസിൽ ചെല്ലുന്നുവെന്ന അധ്യാപകരുടെ പരാതിയെ തുടർന്നാണ് പിതാവ് കുട്ടിയെ ഇത്തരത്തിൽ ശിക്ഷിച്ചത്.

Boy, 10, ‘crucified’ by his own father for failing to do his homework.